Բամբասկոտության մասնակցելը փչացնում է ձեզ, մարդը կարող է հիվանդանալ չար բաներին մասնակցելով

Մենք պետք է ուշադիր լինենք մեր խոսին ու գործին և թէ հասարակության մեջ ինչ մարդկանց հետ ենք շփվում: Մարդը կարող է պարզապես հիվանդանալ չար բաներին մասնակից լինելով:

Ինչքան մարդը մասնակցում է վատ բաների ու ստից խոսակցությունների, նա այնքան ավելի է խորանում ամբարշտությունների մեջ: Նա այնքան ավելի է փչանում: Մեզ թվում է թէ վատ բաներին մասնակցել բայց դրանց հետ համաձայն չլինելը կարելի է: Մեզ թվում է թէ սնոտի խոսակցություններին մասնակցել բայց դրանց հետ համաձայն չլինելը կարելի է: Բայց այդպես չէ: Դրանք փչացնում են մեզ ու խորացնում են մեր վերքերը: Հետո էլ դրանց հետևանքով գլխներիս մի փորձանք է գալիս, ու մենք չենք էլ հիշում թէ «ո՞ր մեղքի համար»: Դրա համար Պողոս առաքյալը զգուշացնում է: «Պիղծ բաներից և սնոտի խոսքերից հեռու մնա, քանի որ դրանց անձնատուր եղողները ավելի ու ավելի առաջ են գնում ամբարշտությունների մեջ և նրանց խոսքերը ՔԱՂՑԿԵՂԻ ՊԵՍ ՃԱՐԱԿ ԵՆ ԳՏՆՈՒՄ» (Բ Տմ. 2:16-17):

Տեսնու՞մ էք, պիղծ բաներին ու սնոտի խոսքերի մասնակից լինելով մենք համ առաջանում ենք ամբարշտության մեջ համ էլ այդ չար խոսքերը քաղցկեղի պես աճում ու տարածվում են: Իսկ ինչ է անբարշտությունը: Դա այն բնավորությունն է, որ մարդը չի սիրում բարություն: Հիմա կասեք, ինչ է, մի դատարկ խոսակցության կամ բամբասկոտության մասնակցելով դարձան չա՞ր: Սիրելի բարեկամներ, այս պրոցեսն աստիճանաբար է լինում: Եթե մարդը մասնակցում է չար խոսակցությունների ու չար բաների, նա աստիճանաբար դադարում է պաշտել բարին, որովհետև նրա միտքն ու հետաքրքրությունն արդեն բամբասկոտ ու չար խոսակցությունների մեջ են: Ամբարշտություն նշանակում է բարին չպաշտող, ամբարիշտ նշանակում է մարդ, ով չի կարողանում պատվել այն ինչ սուրբ է: Ամբարիշտ նշանակում է անաստված:

Ուրեմն եկեք բոլորս լավ հիշենք առաքյալի խոսքը: «Պիղծ բաներից և սնոտի խոսքերից հեռու մնա, քանի որ դրանց անձնատուր եղողները ավելի ու ավելի առաջ են գնում ամբարշտությունների մեջ և նրանց խոսքերը ՔԱՂՑԿԵՂԻ ՊԵՍ ՃԱՐԱԿ ԵՆ ԳՏՆՈՒՄ» (Բ Տմ. 2:16-17):

Դուք ձեզ կատարյալ ու սուրբ պահեք ժողովուրդ ջան, ինչպես մեր Տերը պատվիրել է:

(Սիրելի բարեկամներ, բաժանորդագրվեք այս ալիքին առաջիկա զրույցների համար: Եկեք միասին տարածենք Ավետարանը: Եթե ցանկանաք օգնել, կարող էք նվիրաբերել այստեղ http://www.tinyurl.com/barekam որպեսզի Աստուծո Խոսքը կարողանանք ավելի շատ մարդկանց հասցնել):

Видео Բամբասկոտության մասնակցելը փչացնում է ձեզ, մարդը կարող է հիվանդանալ չար բաներին մասնակցելով канала Armen Hareyan