ӨЛІП ҚАЛМАСА ЕКЕН!

Бәріңізге Ассалаумағалейкум

Ел үшін еміреніп емес, ерігіп жүріп енегін уқалаған қырсыздардың қылығына қалай күйінбейсің?! Көлгінов көкбеттеніп жүріп Астана күнін тойлатты. Ал осынау аласапыран шақта халықтың жағдайын кім ойлайды? Отшашу атып опасыздық жасағандарға не дейміз? Нұрағамсыз өмір сүре алмаймын деген ақын кім? Әнші Димаш Құдайберген мен ғұлама Қайрат Жолдыбайұлы кімдерге қарсы тіс қайрап отыр? Бұл туралы сұмдық ақпараттарды сізге Білген дұрыс!

Елім-ай! Артың күмәнді, алдың тұманды болғалы қанша уақыттар өтті. Әлі де солай. Жаратқан Жаббар иеміздің сынағынан сүрінбей, әлем сахнасынан жоғалып кетпей әупіремдеп жүріп күн кешіп келе жатырмыз. Төзіміңнен айналайын. Аязда бүрсеңдеп, отқа қарынып, оққа ұшырасаң да аузыңнан Аллаң, қолыңнан Құраның, жүрегіңнен Алаш деген ұраның түспей көш жолынан тайқымадың. Әттең басшыға жарымадық. Төресіз ел, төбесіз бел болдық. Ханда қырық адамның ақылы бар деп, халықта қырық мың адамның ақылы бар екенін ұмыттық. Бір кем дүние...

Халық жаппай ауырып жатқанда, еңбектеген баласынан еңкейген кәрісне дейін төсекке таңылып, Әзірейілмен алысып жатқанда бұл не деген бассыздық? Астана күнін тойлатып, кебеже қарын кең құрсақты қарынбайлар ақылынан алжасты. ТОҚАЕВҚА да бағынбады.

Ал от шашудың дауына нүкте қойғысы келіп, өз кезегінде Нұр-Сұлтан қаласы әкімдігі отшашудың әсте мерекеге орай емес, короновируспен күресіп жатқан дәрігерлерге арналғанын айтып мәлімдеме жасады. Пай-пай, өсіп өнгірлер-ай. Осыларды қырық өтірік сайысына қатыстырамыз ау ә?! Нестейміз ағайын қатыстырамыз ба? Немесе өтірік айтқаны үшін елден қуылып кетсін бе? Осынау у дан ащы сөзімізді атқамінерлер естісін десеңіз АРНАҒА лайк басып, құрыштарыңызды қандыра отырып пікірлеріңізді жаза кетіңіздер. Іспен өнбеген дүниеміз, сөзбен дүре боп тисін.

БІРІККЕН ҰЛТТАР ҰЙЫМЫ, Дүниежүзілік денсаулық сақтау ұйымы, олигархтар аударған қомақты қаражаттар қайда? Әр мемлекеттен келген гуманитарлық көмектер қайда? Судың да сұрауы бар. Есебін кімнен аламыз? Дерт дендеген тұста, шенді-шекпенділердің бәрі демалысқа кетті, тіпті бас ауыртқысы келмегендер жұмысынан бас тартып жатыр. Содан ары жоғалсын. ТОҚАЕВТАН басқалары, қоқайып қарап тұр. Тура айтсаң, туысыңа жақпайтын заманда кейде басымыз дауда, отбасымыз жауда қалама деп қорқамыз. Алайда, ұлт тағдыры таразыға салынып жатқанда, шарасыз жату әсте мүмкін емес. Жас Отан мен Нұр Отанның немесе Цензуралы форумдардың мінберіне шыға алмаймыз ау. Халықтың зарын ішке жұта-жұта, запыран болдық. Қайда құсамыз? Ауруханада науқастардан аяқ алып жүретін жер жоқ, жедел жәрдем жеткіліксіз, бар болса да ақылы. Биліктен сенімі кетіп, сенімімен қоса үміті үзілген қараша халық бір-біріне қол ұшын созып, бір жағадан бас бір жеңнен шығарып белсенділік танытуға көшті. Көбі үйінде карантиндік талаптарды қатаң сақтанса, енді бірі еріктілердің басын біріктіріп қиналғандарға демеушілік танытып жатыр... Толығырақ видеода!

Видео ӨЛІП ҚАЛМАСА ЕКЕН! канала BILGEN DURYS