ТОҚАЕВҚА БАҒЫНБАЙ КЕТТІ!

Бәріңізге Ассалаумағалейкум

«Баяғының малы маңырайтын еді, қазіргі малдар аузын ашады» демекші мемлекетті басқарушылар, халыққа алақан жая бастады. Ал осындай қысылтаяң кезде Тоқаев қандай қадамға бармақ? Астанада ашылған ескерткіш жайлы не дейміз?! Аты жаман ауру және Нұр-тас пен Мебельдың саяси өресі жайлы, Жанболат Мамай не дейді? 42500 теңгенің ауылы алыста ма? Бұл туралы қызықты хәм сұмдық ақпараттарды сізге Білген дұрыс
Қожанасыр бір кездері тәуіп те болыпты. Бір күні алты қанат ақ орданың ішінде малдас құрып, тәспісін тартып отырса, бір жасөспірім баласын сүйретіп бейтаныс қатын келген екен. Әлгі қатын:
-Мынау жетпегірдің, тісінен тіс қалмайтын болды. Қантты қолмен күйсетіп жатыр. Қалай қойдырсам болады.
деген екен. Сонда Қожекең.
-Он күннен кейін келіңіз. Шипасын айтамын деген екен. Әлгі қатын он күннен кейін келсе. Тағы да он күннен кейін келіңіз деп қайтарып жіберіпті. Тағы да он күннен кейін деп бір ай өткізіпті. Шыдамы таусылған қатын:
Эй, Қожеке. Шипаң қане, сандалғаныма бір ай уақыт болды ғой, ұятың қайда депті. 
Сонда Қожекең:
- Баласын жанына отырғызып алып, қантты жеме депті. Баланың шешесі болды ма десе, болды депті. Долданған бейбақ шеше:
-Сонша сарылтып, сарғайтқан емің осы ғана ма, тәуіп емес топас неме екенсің ғой десе. Қожанасыр сонда барып:
Өзім де қант жеуді қоя алмай жүр едім, 1 ай дегенде әрең тоқтаттым. Өзім істемеген дүниені, басқаға қалай қолданамын деген екен.

Сол сияқты биліктегілерді айтам да, өзі істемеген дүниені халыққа істетуге мәстір. Осы кезде Ая Мантай атты қарындасымыздың мынау бір ашынып жазған жазбасын ұсынайық;

  Образды һəм тура мағынасында айтайын. Халық реанимацияда жатыр. Егер пайызға шақса, биліктің 85-90 пайыз, сақтанбаған халықтың 10-15 пайыз кінəсі бар. Бəлкім, сіздің миыңыздағы калкульятор басқа пайызды көрсетер.
    Отыз жыл той тойлаған билік дұрыс саясат жүргізген жоқ. Отандық арнаның бəрін шоуға айналдырды. Қай арнаны қоссаң да, өзіңді қинап та күле алмайтын арзан қалжың, əзіл. Шетелге қыруар қарыз бола тұра жыл сайын пəлен миллион шашып, астананың, жоқ анығы, Назарбаевтың туған күнін тойлады.  "Астананы жарнамалаймыз" деп шетелдің арналарына миллиондар құйды. Қазір əлем картасында "Астана" деген қала жоқ. Нұр-сұлтанның дефисіне қанша миллион кетті? Нұр мен сұлтанның арасындағы дефиске бұлар сонша неге мəн берді? Əрине, ақымақтық. Жаны ауырып ақша таппайды, терлеп жұмыс істемейді. Жұмыс істемеген адам ақшаның қандай қиыншылықпен келгенін ешқашан білмейді. Бұлар əрбір əрекетімен жұмыс істемейтінін көрсетіп қояды. Сосын   биліктің миында, басында халық пен биліктің арасы бұрыннан дефис қой. Сосын автоматты түрде барлық жерге дефис қойғысы кеп тұрады.
Телеарнаң шоуға айналған соң, билігің астананың тойын жылда тойлаған соң,  халыққа  "несие алып, той тойлама, алды-артыңды ойла" деп қалай айтасың?
Назарбаевтың туған күні онлайн өтеді деді ме? Ұлттық  кітапхана "ғасырдың, əлемнің ғұламасының" құрметіне орай конференция өткізген бе?
Фейсбук некролог алаңына айналды. Дəріханада дəрі таппай сандалған жұрт. Халқыңды  парацетамол мен аспиринмен қамтамасыз ете алмай жатып, күнде қаншама адам өліп жатқанда қандай той, қандай конференция?
Сендер тіпті біздің сүйегімізден өздеріңе əлемде жоқ, "əлемнің бір кереметі" саналатын  Ақорда салып аларсыңдар?
Премьер-министрдің орынбасары Ералы Тоғжанов "42500 теңге төтенше жағдай режимімен байланысты болды. Төтенше жағдай режимі тоқтатылды, енді оны төлеуге ешқандай негіз жоқ. Сондықтан барлық қазақстандық жұмысын жалғастыру керек" депті. Ералы Тоғжанов, мынандай халық ауырып, қаншама адам вирустан көз жұмып жатқанда биліктің Назарбаевтың құрметіне конференция өткізуіне (той тойламағанда несі қалды?") негіз бар ма? Қанша компания жұмысын тоқтатты, қаншама бизнесмен жұмысын тоқтатып, қызметкер, жұмысшыларын таратты. Барлық қазақстандық жұмысын жалғастырғысы келсе де, соңғы жағдайға байланысты  жұмыссыздар саны бұрынғыдан артты ғой. Кейбірінің дəрі алуға ақшасы жоқ. Той тойлауға, пайдасыз форум, конференцияға  ақша табатын билік неге қиын кезде халыққа "көпір жоқ каналдан" өзің өт дейді?
Хаос!
Ауырған адамның басым бөлігі өз өмірі үшін жанталасып, өзін өзі құтқарып жатыр. Жазушы ретінде халықтан сұрауға қақым бар шығар: 
- Өзіңді, жақыныңды аурудан,  өлімнен сақтау үшін той тойлауды тоқтатшы! 
- Құдайға оралған жақыныңның жылдық асын өткізуді кейінге қалдыра тұршы. Құраныңды бағыштап, жеті шелпегіңді пісіріп, жағдай жақсарғанша күте тұршы.
- Көшеге шыққанда арақашықтықты сақташы. Арақашықтықты  сақтамаудың соңы өзіңді, жақыныңды ауыртып қана қоймай қайғылы жағдайға əкелуі мүмкін.
- Мен де, сіз де, ол да билікке керек емес. Сіз ата-анаңызға, бауырларыңызға, бала-шағаңызға керексіз! Өзіңізді өзіңіз ғана сақтай аласыз! Өзіңізді сақтау арқылы жақыныңызды сақтайсыз!
Міне, қазақтың менмін деген қаракөзінің жазбасын жарыққа шығарып отырмыз. Осындай елім мен жерім деп еміренген қазақ қыздарынан қалай айналып өтпейсің?!
Толығырақ видеода...

Видео ТОҚАЕВҚА БАҒЫНБАЙ КЕТТІ! канала BILGEN DURYS