Dath an Dóchais - Rónán Mac Con Iomaire , Údarás na Gaeltachta

Cé muid féin mar phobal Gaeltachta? Braitheann sé sin ar cé uirthi nó cé air a chuirfidh tú an cheist.
Déarfaidh muide, muintir na Gaeltachta, leat gur pobal fuinniúil, domhanda, cruthaitheach muid, le fréamhacha sa dúchas agus fréamhacha thar toinn.
Ildánach, iltíreach, ilteangach.
Déarfaidh daoine eile a mhalairt leat, a dtuairimíocht ag eascairt as blas diúltach ar a dtaithí teanga. Na haineolaithe thiar, a dhéarfaidh siad, blas an bhochtaineacht ar a gcuid Gaeilge agus blas an phortaigh ar a gcuid Béarla.
Cé againn atá ceart? Níos minice ná a mhalairt, is cuma. Sí an cheist ná cé is túisce a chreidfear.
Is minic mar phobal, cuma cé chomh glórach, cuma cé chomh ceanndána, nach bhfeictear fút ach an rud a oireann go bhfeicfí. Nach bhfeictear na fíricí in ainneoin gur fíricí iad. Fíricí ar nós gur sa Ghaeltacht a mhair na cultúir amhránaíochta agus damhsa ar an sean-nós. Gur sa Ghaeltacht a mhair na báid seoil agus na curacha. Na lúibíní agus agallaimh beirte. Gur mhair siad mar go raibh siad cothaithe ag tobar na Gaeilge Gaeltachta.
Gur mhúscail an tobar céanna ceanndánacht an phobail Gaeltachta éileamh a dhéanamh ar údarás dá cuid féin, stáisiún raidió dá cuid féin, stáisiún teilifíse dá cuid féin.
Ach céard a tharlaíonn má dhéanann an saol mór neamh-aird de sin ar fad? Go dtógann siad an rogha éasca agus an rud a oireann don mhóraimh a chreidiúint nó a fheiceáil?
Sin an tábhacht a bhaineann leis an taispeántas ealaíne seo. Níl aon rud chomh suibiachtúil le healaíon, ná, ag an am céanna, chomh lom, fírinneach léithe. Is scáthán ar phobal na Gaeltachta féin í ealaín comhaimseartha na Gaeltachta. Dána, ceannródaíoch agus oscailte don saol mór.
Is cuma céard a cheapann an móraimh. Tá muid mar phobal le feiceáil san ealaín seo.
Mar phobal Gaeltachta, tá muid go mór faoi chomaoin ag ár gcuid ealaíontóirí. Samhlaigh saol gan a gcuid físe, gan a gcuid aislingí. Cuireann siad in iul don saol mór cé muid féin mar phobal Gaeltachta agus cuireann siad in iúl dúinn féin cé dhár díobh muid. Cothaíonn siad muid mar phobal agus tá muid buíoch mar phobal as sin.
Is léargas é an taispeántas seo, ní hamháin ar dhá scór bliain d’ealaín na Gaeltachta, ach dhá scór bliain d’Údarás na Gaeltachta agus dhá scór bliain d’fhuinneamh an phobail a d’éiligh Údarás na Gaeltachta. Is iomaí splanc atá fanta fós inti.

Rónán Mac Con Iomaire
Stiúrthóir Forbartha Réigiúin, Pobail & Teanga
Who are we as a Gaeltacht community? That depends on who you ask.
We, the people of the Gaeltacht, will tell you that we are an energetic, global, creative community, rooted in our heritage while also having roots abroad.
Creative, global, multilingual.
Others might have a different view, their opinion being based on their own negative experience of the language. Those clueless folk of the west, they may declare, their Irish reeks of poverty and their English is tainted by the bog.
Who is correct? More often than not, it does not matter. Those who have the most credibility is what really matters.
As a community, it often happens that no matter how vocal or how determined we are, others will only see what they want to see. The facts are not acknowledged even though they are just that, facts. Facts such as the survival of our traditional singing and dancing in the Gaeltacht. The survival of our traditional sailboat and currach in the Gaeltacht. The ‘lúibín’ and the’ agallamh beirte’. The fact is that they survived because they were nourished by the Irish language spoken in the Gaeltacht.
Our language was also the source that caused the Gaeltacht community to rise up and demand an authority of its own, a radio station of its own, a television station of its own.
But what happens if all of that is ignored? What happens if the majority opt for what is convenient for them to believe in or for them to see?
That is the reason this art exhibition is so important. There is nothing as subjective as art, nor, at the same time, as exposed or as honest. Contemporary Gaeltacht art is a reflection of the Gaeltacht community in itself. Bold, cutting-edge and open to the world.
No matter what the majority think. We as a community feature in this art.
As a Gaeltacht community, we are deeply indebted to our artists. Imagine a life without their vision, without their dreams. They make the world aware of who we, as a Gaeltacht community, are and they also make us aware of who we are as a community. They nurture us as a community and, as a community, we are grateful for that.
This exhibition provides, not only an insight into forty years of Gaeltacht art, but also an insight into forty years of Údarás na Gaeltachta and forty years of the community spirit which demanded the establishment of Údarás na Gaeltachta. Much of that spirit still remains.

www.dathandochais.com

Видео Dath an Dóchais - Rónán Mac Con Iomaire , Údarás na Gaeltachta канала EalainNaGaeltachta