Зейнетақы қорынан ақша шешу: толық нұсқаулық

Мәжілісмен Аманжан Жамалов «құжаттар әлі кабинет аралап жүр» деген сыннан кейін бе, жауапты мамандар бүгін ғана зейнетақы қорындағы ақшаны қалай алып, жұмсауға болатынын түсіндіре бастады. Қордағы ақшаға су жаңа немесе екінші нарықтан да пәтер алсаңыз болады. Қаладан немесе ауылдық жерден алғыңыз келсе де шектеу жоқ. Бірақ, туысқаныңыздан, яғни, бауырыңыздан, ата-әжеңізден мүлік сатып ала алмайсыз.
Зейнетақы қорындағы ақшаны пайдалану үшін ертең таңғы тоғызда «отбасы кз» порталы іске қосылады. Ақша түсуі үшін отбасы банкінен арнайы шот ашасыз. Порталға кіріп, электронды цифрлық қолтаңбаңыз арқылы өтініш бересіз. Өтінішті мобильді қосымша арқылы да беруге болады.
Ол жерде қандай мақсатқа ақша жұмсайтыныңызды көрсетесіз. Алатын ақшадан он пайыз жеке табыс салығы ұсталады. Бірақ, қаласаңыз оны зейнет жасына жеткен кезде ұстайтындай етіп таңдауға да болады. Өтінішіңізді отбасы банкі екі жұмыс күнінің ішінде зейнетақы қорына жібереді. Зейнетақы қоры 5 күннің ішінде арнайы шотыңызға ақша аударады. Ақша түскен соң 45 күннің ішінде үй сатып алғаныңызды дәлелдейтін барлық құжатты өткізуіңіз тиіс.
ЛӘЗЗАТ ИБРАГИМОВА, «Отбасы банк» АҚ басқарма төрайымы:
– Если у вас сумма договора 20 млн, выплатили 12 то 8 млн ваш последний платеж. Еслу у вас сейчас 4 млн и вы хотите потом еще оставить то здесь указанно что должен быть последний рассчет.
Ипотекааларда қордағы ақшаңыз алғашқы жарнаға жетпесе жұбайыңыздың немесе туысыңыздың қордағы ақшасын қосуға болады. Бірақ, ол үйді бес жылға дейін сата алмайсыз. Яғни,12 миллион теңгеге үй алып, 1-2 айдан соң 15 миллионға сатып жіберу деген болмайды. "Тек ипотека рәсімде" деп те ешкім міндеттемейді. Қолыңызда 10 миллион теңгеңіз бар делік, 12 миллионның үйін алғыңыз келеді. Жетпей тұрған ақшаны зейнетақы қорынан қосып, қолма-қол сатып алуға болады.
ЕРКЕБҰЛАН ДАУЫЛБАЕВ, Комитет төрағасының орынбасары:
– Өтелмеген, берешегі бар тұрғын үйді бес жыл ішінде өткізуге жол берілмейді, сатуға. Тек қана ипотекалық займға алынған үйлер.
Бұған дейін ипотекаңыз болса, оны да қор ақшасымен төлеуге болады. Ал, жеке меншігіңіздегі үйіңізді жөндеуге ақша берілмейді. Тек осы ережемен, су жаңа пәтер алғанда ғана жөндеу жұмыстарына жұмсай аласыз. Яғни, базардан материал сатып алып, өзіңіз жұмысшы жалдап жасатпайсыз. Жөндеу жұмысымен айналысатын аранайы лицензиясы бар компаниялар ғана су жаңа пәтеріңізді әктеп, әрлей алады.
АЙБАР ТӨЛЖАНҰЛЫ, тілші:
– Ал, қандай ем-домға кімдер қор қаражатынан ақша жұмсай алатыны ай соңында нақты белгілі болады. Қордағы ақшасын пайдалану үшін әзірге алпыс мың адам арнайы шот ашыпты. Үй алып, құжатты 45 жұмыс күннің ішінде өткізіп үлгермесеңіз, ақшаңыз автоматты түрде зейнетақы қорына қайтарылады. Ондай жағдайда қайта өтініш беруіңізге болады.

Айбар Төлжанұлы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#БЖЗҚ #зейнетақы_жүйесі

Видео Зейнетақы қорынан ақша шешу: толық нұсқаулық канала Информбюро 31