Қорғаныс министрі әскерилердің жалақысын тағы өсіруді жоспарлап отыр

Елімізде әскерилердің жалақысын тағы да өсіру жоспарланған. Қорғаныс министрі Руслан Жақсылықов биыл еліміздегі ұшқыштар құрамы мен әскери жоғары оқу орындардағы оқытушылардың жалақысы 60%-ға, ал әскери дәрігерлердің жалақысы 40%-ға көтерілгенін жеткізді. Келер жылдан бастап әскери атақтар үшін төленетін үстемеақыны 30%-ға арттыру көзделген. Бұл туралы ведомство басшысы кеңейтілген алқа отырысында айтты.
Қорғаныс министрі Руслан Жақсылықовтың басшылығымен өткен кеңейтілген отырыста Қарулы күштердің биылғы жұмысы қорытындыланды. Жиында ведомство басшысы әскердің қару-жарақ, техникамен жабдықтау, материалдық-техникалық құралдармен қамтамасыз етілгенін атап өтті. Алда атқарылатын жұмыстарға да тоқталды.
РУСЛАН ЖАҚСЫЛЫҚОВ, ҚР Қорғаныс министрі:
– Алға қойған жоспарымызға сәйкес, келер жыл бұдан да қарқынды жыл болмақ. Атап айтқанда, әскери басқару органдарының жұмысын реттеу, жауынгерлік дайындықтың құрамдас бөліктерін тиісінше жақсарту мен сапасын арттыруға күш салынады. Келесі жылы біз үлкен халықаралық оқу-жаттығу өткізу бастамасын көтердік.
Жиында әскери қызметкерлердің әлеуметтік мәселелері де назардан тыс қалмады. Министр келер жылдан бастап барлық әскерилердің жалақысын көтеру мәселесі қаралып жатқанын жеткізді.
РУСЛАН ЖАҚСЫЛЫҚОВ, ҚР Қорғаныс министрі:
– Биыл ұшқыштар құрамы мен жоғары оқу орындардағы азаматтық оқытушылардың жалақысы орта есеппен 60%-ға, сондай-ақ әскери дәрігерлердің жалақысы 40%-ға өсті. 2024 жылдан бастап әскери атақтар үшін төленетін үстемеақыны 30%-ға көтеру көзделген. Барлық әскери қызметшілердің жалақысын көтеру мәселелері де пысықталып жатыр.
Сондай-ақ, офицерлер мен сержанттардың кәсіби деңгейін арттыру жоспарланған. Алқа отырысында Қорғаныс министрі әскерлердің жауынгерлік қабілетін одан әрі арттыру, тылдық және моральдық-психологиялық жағдайды қамтамасыз ету жөнінде бірқатар міндеттер қойды. Әскери басқару жүйесін цифрландыру процесін жеделдету де тапсырылды.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Қорғаныс министрі әскерилердің жалақысын тағы өсіруді жоспарлап отыр канала Информбюро 31