Емханаға жарымай отырған өскемендіктер биліктен жағдай жасап беруді сұрайды

Өскемендіктердің әлі күнге жер ошақпен жылытылып отырған аурухананың жағдайына көңілдері толмайды. Айтуларынша емхана бар игіліктен жұрдай. Сондықтан жергілікті билік өкілдері бес мың халыққа медицина мекемесін салып, жағдай жасаса дейді.
ТОЛҚЫН ҚАНЫБЕКҚЫЗЫ, Өскемен қаласының тұрғыны:
– Қарсымын өз басым. Жалғыз мен ғана емес, балалы ата-аналардың барлығы қарсылық білдіретініне сенімдімін. Керісінше осы жаққа қолдау көрсетіп, қала әкімдігі, облыс әкімдігі бізге мекеме салып беріп, керісінше халыққа жағдай жасаса деген үмітім, ұсынысым бар.
Ал әжетін өтеудің әлегі көп. Өйткені дәрет қысқан адам аула аяғындағы далаға сабылуға мәжбүр. Бұл басқа емес облыс орталығындағы бес мың адамға қызмет көрсететін медпункт. Ортадағы жалғыз пештің жалыны жарытып жылытпайды. Сондықтан қолмен от салып, күлін көсеп, науқастарға ем-шара жасалынады. Денсаулық басқармасы бұл жағдайға шарасыз барғандарын айтады. Бұрын жекеде болған нысан биыл ғана №2 қалалық поликлиниканың балансына өтіпті. Жаптырып тастаса жұртқа қиын, жаңасын салуға бюджеттің жағдайы болмапты. Келер жылы жаңасын салмақ екен. Ал «Ауылда денсаулық сақтауды жаңғырту» пилоттық Ұлттық жобасына бұл емхана енбепті.
ШОЛПАН МАҚАШЕВА, ШҚО денсаулық сақтау басқарма басшысының орынбасары:
– Бұл нысан жекенің қолында болған. Бірақ биыл жазда соттың шешімімен № 2 қалалық емхананың балансына өтті. Осы шешімге сәйкес келесі жылы жөндеу жұмыстарына қаржы бөлу жоспарда бар. Емдеу мекемесін жаңартуға мүмкіндік туады. Жалпы, Ұлттық жоба аясында 2023 жылы 18 медициналық мекемені қалыпқа келтіріп жатырмыз.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Емханаға жарымай отырған өскемендіктер биліктен жағдай жасап беруді сұрайды канала Информбюро 31