7-ПАРА/ҚҰРАН ІНЖУЛЕРІ

1-Уа, иман келтіргендер! Арақ-шарап , құмар һәм өзге де ұтыс ойындары, табыну үшін орнатылған пұттар және жебелермен бал ашу – шайтанға ғана тән лас істер. Ендеше, мақсат-мұраттарыңа жету үшін бұлардан аулақ болыңдар. «Әнғам сүресі», 122-аят
2- Уа, иман келтіргендер!Ашық айтылған жағдайда көңілдеріңе жақпай қалатын, әсіресе, діни міндеттеріңді қиындатып жіберетін мәселелерді қазбалап сұрай бермеңдер. «Маида сүресі», 101-аят
3- Ол- күллі аспан әлемінде де, жерде де жалғыз Алла! Ол сендердің құпия сырларыңды да, жария істеріңді де, сондай-ақ(жақсы-жаман, адал-арам) не тауып, не істеп, не қойып жүргендеріңнің бәрін жақсы біледі.«Анғам сүресі», 3-аят
4- Дүние тіршілігі – құр ойын-күлкі мен уақытша сауық-сайран ғана. Ал Аллаға лайықты түрде тағзым етіп, Оған қарсы келуден барынша сақтанатын тақуа жандар үшін ақирет тұрағы (мекені) әлдеқайда қайырлы болмақ. Ендеше, сәл де болса, ақылға салып ойланбайсыңдар ма?! «Анғам сүресі», 32-аят
5-Ғайыптың кілттері Оның жанында, оларды Одан өзге ешкім білмейді. Ол құрлықта Һәм теңізде не бар, не жоқ бәрін біледі. Оған тіпті бұтағынан үзіліп түскен бір тал жапырақтың да жайы мәлім. Жердің тас қараңғы қойнауындағы бір тал дәнек болсын, тіпті дымқыл немесе құрғақ болғанның бәрі де ап-айқын Кітапта жазылған. «Анғам сүресі», 59-аят
6-Ол сендерді түнде (кіші өлім болған) ұйқыға жатқызып уақытша өлтіреді Һәм күндіз не істеп, не қойғандарыңның бәрін біліп тұрады. Кейін сендерді (ұйқыларыңнан оятып) қайта тірілтеді, сөйтіп мерзімді күн, (межелі нысана) көрініс бергенше осылай жалғаса береді. Ақыр соңында бәрің Аллаға қайтасыңдар. Содан кейін Ол сендерді не істеп, не қойғандарыңнан толық хабардар етеді. «Анғам сүресі», 60-аят

Видео 7-ПАРА/ҚҰРАН ІНЖУЛЕРІ канала Khamzat_ Adilbek