«31 арна» Алматыда журналистер мен зиялы қауым өкілдері арасында бильярдтан турнир өткізді

31 арна Алматыда журналистер мен зиялы қауым өкілдері арасында бильярдтан "Жаңа елдің көктемі" атты республикалық турнир өткізді. Сайысқа елдің түкпір-түкпірінен келген елуге тарта танымал азамат қатысып, бас жүлде белгілі журналист Серік Жанболатқа бұйырды.
Бір күн бойы "сен тұр, мен атайын" дейтін небір саңлақтар тартысқан турнирде журналист Серік Жанболат топ жарды. 1 сағатқа созылған финалда Тұрмағанбет Кенжебаевпен соңына дейін тең келгенімен, жеңіс шарын Серік Жанболат салып кетті. Тартысты додада жеңіс емес, қатысу маңызды деген ол мұндай жарыстың артықшылығына тоқталды.
СЕРІК ЖАНБОЛАТ, «Жаңа елдің көктемі» БАҚ арасындағы республикалық турнирдің жеңімпазы, журналист:
– Міне, осы шараны ұйымдастырып, журналистердің бәрін бір-бірімен араластырып жатқан мына 31 арнаға алғыс айтқым келеді. Шынында да біз бір-бірімізді сағынып қалыппыз.
Жарыстың екінші орнын Тұрмағанбет Кенжебаев алса, Самат Мырзалы мен Ғалым Қалибек қола жүлдені қанағат етті. Турнирге арнайы шақырылған ардагер журналистер мұндай жарысты жаңғыртып, әріптестердің басын қосатын доданың ұйымдастырылығанына дән риза.
НЕСІП ЖҮНІСБАЙҰЛЫ, ҚР Еңбек сіңірген қайраткері:
– 31 арнаның мына менің әріптестерімді, ағаларымды, інілерімді жинап алып, мынандай жарыс өткізіп жатқаны көктемнің елеулі, ұлы, ұлық мерекесінің алдында ол білгендік деп өзім санаймын.
ҚАЙНАР ОЛЖАЙ, Журналист:
– 31 арна сол бұрынғы дәстүрді жаңғыртып отыр. қаламгерлердің бір-бірімен бірігуіне, өзара тату ынтымақты болуына жәрдемдеседі.
Турнирге 50-ге тарта белгілі қаламгерлер мен журналистер қатысты. «Жаңа елдің көктемі» деп басталған БАҚ арасындағы республикалық жарыс биыл алғаш рет ұйымдастырылды. Алдағы уақытта аталған доданы дәстүрлі түрде өткізу жоспарланған.
Өмір Сеіркбекұлы, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#турнир #БАҚ #бильярд #31арна

Видео «31 арна» Алматыда журналистер мен зиялы қауым өкілдері арасында бильярдтан турнир өткізді канала Информбюро 31