Жарылыстан кәсіптері күлге айналған арыстық кәсіпкерлер өтемақыларын әлі ала алмай жүр

Арыс қаласының кәсіпкерлері 2019 жылы жарылыстан қираған нысандарға әлі өтемақы ала алмай жүрміз деп шағымданып отыр. Сөздерінше, бірінің сауда үйі қираса, бірі дәмханалары мен дүкендерінен айырылған. Әкімдіктен мәселенің шешімін таппай, үміт үздік деген олар, енді Үкіметке көмек сұрап келген. Алайда, 2 апта бойы мәселемізге құлақ түрген ешкім болмады дейді.
Арыстық Мұхамеджан Сапарханов 2019 жылы болған жарылыстан кейін бүлінген бизнес нысандарыма өтемақы ала алмай жүрмін дейді. Сол кезде комиссия шығынын 60 миллион теңгеге бағалапты. Бірақ одан бері 1 тиын да көмек алмадым дейді.
МҰХАМЕДЖАН САПАРХАНОВ, Кәсіпкер:
– Сол жарылыстан кафе-ресторандарым, дүкен-магазиндерім бәрі қирап қалды. Соны осы уақытқа дейін қалпына келтіріп береміз, қалпына келтіріп береміз деді. Бұл әкім халыққа жұмыс істеп жатқан әкім көріп тұрған жоқпын. Енді міне Үкімет үйінің алдына келіп, осы жерден сұрап тұрмын. Кімнен сұраймын енді?
Әкімдіктің табалдырығын тоздырдық деген кәсіпкерлер, үмітін арқалап Үкіметке келген. Алайда, құлақ түріп, мәселелеріне шешім айтқан ешкім болмапты.
БАЙДУЛЛА СҮЙІНБАЕВ, Кәсіпкер:
– Мен 2020 жылы 9 январьда Роман Василевич Склярдың жеке қабылдауында болғанмын жарты сағат, 45 минуттай. Сол кезде айтқан маған "сіздердің мәселелеріңізді 1 аптада шешемін" деп. Қазір мен есептедім. 2 жыл 2 ай 13 күн өтті.
Кәсіпкерлер үкіметтен де күдер үзіп, Мәжіліс төрағасына келген. 2 сағаттан кейін арнайы, төрағаның тапсырмасымен кәсіпкерлерге депутат Жамбыл Ахметбеков шықты.
ЖАМБЫЛ АХМЕТБЕКОВ, ҚР Парламенті Мәжілісінің депутаты:
– Арысты міне қазір қалпына келтірілді, іс-шаралардың барлығы аяқталды дегеннің өзінде, бірақ дегенмен бір комиссияны шығарып, бұл кісілердің айтуы дұрыс, дұрыс істелінді ме? Шын ба, өтірік пе? Сол ақ-қарасын қазіргі кезде анықтау қажет. Спикер тарапынан мәселе қалай шешіліп, қандай шара қолданатынын ол кісі өзі біледі. Бірақ мен бұны толықтай жеткіземін.
Арыстық кәсіпкерлердің айтуынша, олар талай адамды жұмыспен қамтып, талай отбасыны қамтамасыз етіп отырған. Ендігі бар сұрайтынымыз жауаптылар қираған бизнес нысандарымызды қайта қалыпқа келтіріп берсе дейді.
Ақбота Базарбай, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Арыс #жарылыс #өтемақы

Видео Жарылыстан кәсіптері күлге айналған арыстық кәсіпкерлер өтемақыларын әлі ала алмай жүр канала Информбюро 31