Ankarada azərbaycanlı jurnalistlər üçün təlim başa çatıb - Baku TV

Ankarada azərbaycanlı jurnalistlər üçün təlim başa çatıb - Baku TV

Ankarada keçirilən “Müharibə dövründə jurnalistika” mövzusunda təlimlərə yekun vurulub.

Anadolu Agentliyinin, Türk Əməkdaşlıq və Koordinasiya Agentliyinin, Türkiyə Polis Akademiyasının və Azərbaycan Respublikasının Medianın İnkişafı Agentliyinin birgə təşkilatçılığı ilə keçirilən təlimlərin son günü – avqustun 20-də Türkiyənin Polis Akademiyasında təlimlərin bağlanış mərasimi keçirilib.

Mərasimdə Anadolu Agentliyinin baş direktoru və idarə heyətinin sədri Sərdar Karagöz, Türkiyə Baş Polis İdarəsinin rəisi Mehmet Aktaş, Polis Akademiyasının rəisi Yılmaz Çolak, rəis müavini Fatih İnal, TİKA-nın xarici əlaqələr və tərəfdaşlar departamentinin rəhbəri Uğur Tanyeli, Azərbaycanın Türkiyədəki səfirliyinin əməkdaşları iştirak ediblər.

Bildirlib ki, budəfəki təlimlər əvvəlkilərdən xeyli fərqlənir. Çünki bu təlimlərdə Azərbaycandan olan jurnalistlər – 44 günlük Vətən müharibəsinin işıqlandırılmasında fədakarlıq göstərən media nümayəndələri iştirak ediblər.

Mərasimdə təlimi uğurla başa vuran jurnalistlər beynəlxalq səviyyədə tanınan “Hərbi jurnalistika sertifikatı” ilə təltif ediliblər. Baku TV-nin qərb bölgə üzrə operatoru Nazir Quliyev də təlimi uğurla başa vurduğu üçün “Hərbi jurnalistika sertifikatı” ilə təltif olunub.

Qeyd edək ki, avqustun 9-dan 20-dək keçirilən təlimlərdə Azərbaycandan 24 jurnalist qatılıb. Təlimlərin məqsədi jurnalistlərin müharibə, təbii fəlakətlər, böhran və fövqəladə vəziyyətlər zamanı peşəkarlığının artırılmasıdır. Dərslərin 60 faizi praktiki hissədən ibarət olub. Bununla yanaşı, media nümayəndələri riskli bölgələrdə təşkil olunan təlimlərə də qatılıblar.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Ankarada azərbaycanlı jurnalistlər üçün təlim başa çatıb - Baku TV канала Baku TV