Erməni kilsəsi Putinə qarşı çıxdı - Baku TV

Erməni kilsəsi Putinə qarşı çıxdı - Baku TV

Sovet İttifaqı dövründə Moskva İrəvanın Qarabağda təcavüzə yönəlmiş hərəkətlərini tam dəstəkləyirdi. İndi isə Vladimir Putinin hakimiyyətdə olduğu dövrdə Moskvanın mövqeyi Sovet dövründəki təcrübə ilə müqayisədə ciddi dəyişib.

Bunu rusiyalı tarixçi Oleq Kuznetsov ermənilərin katolikosu Birinci Aramın Putinə qarşı çıxmaq çağırışını şərh edərkən bildirib.

Belə ki, erməni katalikos Rusiya, Azərbaycan və Ermənistan arasında imzalanan üçtərəfli bəyanatın, sərhədlərin delimitasiya və demarkasiyasının əleyhinədir. Bu barədə “qradator.ru” məlumat yayıb. Sanki rahib yox, müdafiə naziri kimi çıxış edən katalikos sülhü rədd edərək, “1920-ci ildə Ermənistanın beynəlxalq səviyyədə tanınmış sərhədlərinə qayıtmasını tələb etmək əvəzinə dəhlizdən danışırlar”, - deyə xalqına səslənib. Bəs onun antisülh çağırışları nə ilə əlaqədardır?

Oleq Kuznetsovun sözlərinə görə, müasir Ermənistan Respublikasının hüquqi quruluşunun əsasını təşkil edən əsas sənədlər arasında Ermənistan SSR-nin və Qarabağın birləşdirilməsi haqqında 1 dekabr 1989-cu il tarixli Ermənistan SSR Ali Soveti və Dağlıq Qarabağ Milli Məclisinin birgə qərarı var.
“Ermənistanın müstəqillik diktaturası da məhz bu sənədə əsaslanır. Buna görə də rəsmi hüquqi baxımdan Aram haqlıdır. Yəni o, soydaşlarını Sovet İttifaqının dağılmasında ermənilərin iştirak etdiyi missiyanı yerinə yetirməyə çağırır”, - deyə o qeyd edib.

Tarixçi bildirib ki, kilsənin bu cür mövqeyi ilə Paşinyanın Qarabağdan imtina üçün referendum keçirməsi cəhdi çox çətin olacaq.
Ən azından indiki halda yeni müharibə ordusu darmadağın edilmiş Ermənistana strateji baxımdan sərf etmir. Kilsə bunu aydın başa düşsə, xam xəyallardan əl çəkmiş olar.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Erməni kilsəsi Putinə qarşı çıxdı - Baku TV канала Baku TV