Azərbaycan pomidoru ilk dəfə Qətər supermarketlərində - Baku TV

Azərbaycan pomidoru ilk dəfə Qətər supermarketlərində - Baku TV

Şəmkir istehsalı olan Azərbaycan pomidorları Qətərin əsas supermarket şəbəkələrində satışa çıxarılıb.

Belə ki, dövlət başçısının tapşırığına əsasən Azərbaycanın Qətərdəki səfirliyi və Kiçik və Orta Biznesin İnkişafı Agentliyinin dəstəyi ilə “IM-EX Trading” şirkəti Azərbaycan məhsullarını Qətərə ixrac etməyə başlayıb.

“IM-EX Trading” şirkətinin rəhbəri Turan Özbahceci bu layihə çərçivəsində yaxın zamanda meyvə-tərəvəz ixracı ilə yanaşı, Azərbaycan istehsalı olan quru qidaların da Qətər supermarketlərində satışının planlaşdırıldığını bildirib.

Qətərdə çox ciddi çalışmaların aparıldığından danışan Özbahceci artıq şirkətin Qətərdə çalışan əməkdaşlarının iş başında olduğunu deyib. Bildirib ki, Qətərdəki bütün supermarketlərlə işlərə başlanılıb. Azərbaycanda istehsal edilən bütün məhsullarla bağlı işlər tam gücü ilə davam edir.

Şirkət rəhbəri uzun müddətdir ki, Azərbaycan ətinin ixracı ilə bağlı da işlər aparıldığını deyib.
“Yaxın vaxtlarda Azərbaycanda istehsal edilən ətin Qətərə ixracı təşkil ediləcək. Orada həm ət kəsimi məntəqələrində, həm də bütün restoran və hotellərdə Azərbaycan ətinin istehlak edilməsi üçün işlər görülür”, - deyə açıqlamada bildirilib.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Azərbaycan pomidoru ilk dəfə Qətər supermarketlərində - Baku TV канала Baku TV