Əsas xəbərlər 22.10 2020 (Xəbər Saatı)

“Bu gün Prezident, Ali Baş Komandan İlham Əliyev Azərbaycanın müstəqillik tarixinə yeni şanlı səhifələr yazır. 27 ildir ki, düşmən tapdağı altında, işğalda qalan ərazilərimiz bir-birinin ardınca azad edilir. Artıq Cəbrayıl, Füzulu, Zəngilan rayonlarının mərkəzində Azərbaycan bayrağı dalğalanır. Bundan əlavə, Xudafərin körpüsündə, Hadrutda, Suqovuşanda da əzəmətli Azərbaycan bayrağı düşmənə göz dağı verir. Sentyabrın 27- dən oktyabrın 20-dək işğal olunmuş yaşayış məntəqələrimizin sayı 100-ü ötüb. 23 gün ərzində misli görünməmiş qələbə! Halbuki, 27 il əvvəl BMT Təhlükəsizlik Şurası Ermənistan silahlı qüvvələrinin işğal etdiyi Azərbaycan ərazilərindən qeyd-şərtsiz geri çəkilməsi barədə 4 qətnamə qəbul edib. Təəssüf ki, bu qətnamələr hələ də kağız üzərində qalıb. Ancaq dövlətimizin başçısı, Ali Baş Komandan İlham Əliyev həmin qətnamələri özü yerinə yetirməyə başlayıb”.

“Yeni Sabah” xəbər verir ki, bu fikirləri AZƏRTAC-a Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə bildirib.
Ermənistanın baş naziri Nikol Paşinyanın Azərbaycana müharibə başlatmağının əsas səbəblərindən birinin ölkəsini NATO-ya yaxınlaşdırmaq olduğu şübhəsizdir.

Yenisabah.az xəbər verir ki, bunu Trend-ə Milli Məclisin deputatı Sevil Mikayılova deyib.
Deputat bildirib ki, Yerevan NATO-ya doğru kurs götürüb. Ermənistan prezidenti Armen Sarkisyanın Brüsseldə NATO qapısını ürəklə döyməsi bu ölkənin Avropa məqsədinin olduğunu açıq göstərir. Sorosdan qaynaqlanan hazırki erməni siyasi isteblişmenti qətiyyətlə Avropanın kəndarında dayanıb. Soros planını həyata keçirmək mandatını almış Paşinyan və ətrafı Moskva ilə körpüləri tam yandırmaq niyyətindədir:
"Dağlıq Qarabağ məsələsində diplomatik həll yolu yoxdur".
Yenisabah.az xəbər verir ki, bunu Ermənistan Baş naziri Nikol Paşinyan "Facebook" hesabında etdiyi canlı yayım zamanı bildirib.
Paşinyan qeyd edib ki, Qarabağ məsələsinin indi və bundan sonrakı üzun müddət ərzində sülh yolu ilə həlli mümkün deyil: "Diplomatik həll yolu haqqında danışmaq artıq mənasızdır"
Erməni baş nazir bütün merlərə, icma və yerli özünüidarə orqanlarının rəhbərlərinə, ümumən əhaliyə müraciət edərək özünümüdafiə dəstələrinin yaradılmasını tapşırıb.
Görünən budur ki, Ermənistan ordusunun bütün gücünü itrdiyini anlayan Paşinyan son variant olaraq əhalini silahlandıraraq Azərbaycana qarşı vuruşmağa təhrik edir.
20 oktyabr tarixində Zəngilan şəhərinin işğaldan azad olunduğu bildirildi.
Dərhal ölkə başçısı İlham Əliyev Zəngilanı işğaldan azad edən hərbçilərimizin videosunu “Twitter” hesabında paylaşdı.
Həmin videoda bir dövlət binasının qarşısında Azərbaycan bayrağının dalğalandığını görürük.
Bəs həmin obyekt hansı dövlət idarəsinin binasıdır?
Yenisabah.az xəbər verir ki, bu, Zəngilan şəhər prokurorluğunun binasıdır
Prezident İlham Əliyev bu gün Füzuli və Cəbrayılın bir meçə kəndinin işğaldan azad olunmasını açıqlayıb.

Yenisabah.az xəbər verir ki, İlham Əliyev bu barədə "Tvitter"də paylaşım edib:
"Rəşadətli Azərbaycan ordusu Füzuli rayonunun Gecəgözlü, Aşağı Seyidəhmədli, Zərgər kəndlərini, Cəbrayıl rayonunun Bələnd, Papı, Tulus, Hacılı, Tinli kəndlərini işğaldan azad etmişdir.
Bundan əlavə, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndlərini işğaldan azad edilmişdir.
Eşq olsun Azərbaycan Ordusuna! Qarabağ Azərbaycandır!".
Ermənistanın Baş naziri Nikol Paşinyanın başı tamamilə xarab olub. Uduzan tərəfin durub müharibədən dəm vurmağı o deməkdir ki, zərərin yarısından qayıtmaq şanslarını itirir. Ola bilsin ümid edir ki, öz ərazisində olan gücü ilə Azərbaycanla müharibəyə girdişdiyi təqdirdə arxasınca Rusiya gələcək. Amma səhv edir. Müharibə Azərbaycan ərazisində gedir. Öz ərazisindən Azərbaycana soxulacaqsa, öz ərazisi zərbə altında qalacaq. Bu halda heç kəsin Azərbaycanı qınamaq haqqı olmayacaq.

Yenisabah.az xəbər verir ki, bunu Milli Məclisin deputatı, politoloq Rasim Musabəyov Ermənistan Baş naziri Nikol Paşinyanın xalqa sonuncu müraciətini şərh edərkən deyib.
Yenisabah.az Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyevin partiyanın mətbuat xidmətinə verdiyi müsahibəsini təqdim edir:
- Qüdrət bəy, xarici işlər nazirinin Vaşinqtona səfərindən gözləntiləriniz və ABŞ torpaqlarımzı azad etməyə davam etdiyimiz üçün bizə hansısa sanksiya tətbiq edə bilərmi?
- Düşünürəm ki, atəşin dayandırılması üçün Azərbaycana ciddi təzyiq göstəriləcək. Ola bilsin ki,Lavrovun 5+2 prinsipi əsasında tənzimləmə planından kənara çıxmamaq tələb olunsun. Yəni 5 rayonu azad edin və dayanın. Qalan məsələlər danışıqlar yolu ilə həll olunsun. Bu isə bizi qətiyyən qane etmir. Prezident də söylədi ki, Şusa işğaldan azad olunmasa bu problemin yarımçıq həlli olardı.

Видео Əsas xəbərlər 22.10 2020 (Xəbər Saatı) канала Musa Media