Yekun xəbərlər 19.10.2020 (Təcili Xəbər)

“Çox şadam ki, Siz gəlmisiniz. Ölkəmiz üçün bu çətin bir dövrdə Sizin gəlişiniz xüsusi məna daşıyır. Bu, bir daha Türkiyənin Azərbaycana göstərdiyi qardaşlıq münasibətinin təzahürüdür, həmrəyliyin təzahürüdür. Biz bu hadisələr baş verəndən dərhal sonra Türkiyənin dəstəyini hiss etdik, bu gün də hiss edirik. Əziz qardaşım, hörmətli Prezident çox müsbət və çox dəqiq açıqlamalar vermişdir. Bu açıqlamalar Azərbaycan xalqını çox məmnun etdi, bütün dünyaya göstərdi ki, Türkiyə-Azərbaycan birliyi sarsılmazdır və ağır günlərdə biz bir-birimizin yanındayıq. Mən bunu bir neçə dəfə demişəm, bir daha demək istəyirəm ki, əgər bu açıq mövqe göstərilməsəydi, bu gün başqa qüvvələr bu işlərə qarışa bilərdi. Onsuz da Ermənistanın məqsədi bundan ibarətdir, onlar bu münaqişənin coğrafiyasını genişləndirmək istəyirlər və çox yanlış yoldadırlar. Çünki görürlər ki, bizim qarşımızda təkbaşına duruş gətirə bilmirlər. Döyüş meydanında biz onları məğlub edirik”.Ermənistan ordusu özünün 20-ci əsrin 80-ci illərinə aid taktika və silahları ilə Azərbaycanın 21-ci əsrə aid silahlara məxsus, yüksək döyüş ruhu və başlanan işi sona çatdırmaq niyyəti olan ordusunu dayandıra bilməz.
Yenisabah.az xəbər verir ki, bu barədə Rusiya mətbuatı yazır.

Qeyd olunur ki, Azərbaycan Dağlıq Qarabağda parlaq qələbə qazanıb, Ermənistan isə məğlub olub və onun Qarabağdan çıxması an məsələsidir:
“Aradakı fərqi ortaya çıxaran əsas amil müdafiə planlaşdırmasına yeni yanaşma, idarəçilik və kəşfiyyatın, o cümlədən kosmik kəşfiyyatın keyfiyyəti, havada üstünlük, hava hücumundan müdafiə sistemlərinin məhv edilməsi taktikası olub. Ermənistan artıq 700-dən çox hərbçisinin həlak olduğunu açıqlayıb
Pprezident İlham Əliyev işğaldan azad olunan ərazilərlə bağlı yeni siyahı açıqlayıb.
“Yeni Sabah” xəbər verir ki, prezident yazıb:
Cəbrayıl rayonunun Soltanlı, Əmirvarlı, Maşanlı, Həsənli, Göyərçin Veysəlli, Hacılı, Əlikeyxanlı, Qumlaq, Niyazqullar, Keçəlməmmədli, Şahvəlli, Hacı İsmayıllı, İsaqlı kəndləri işğaldan azad edilmişdir. Qarabağ Azərbaycandır!”
Hərbi müstəvidə məğlub duruma düşən Ermənistan vəziyyətdən çıxmaq üçün təxribatlarını davam etdirir. Yenisabah.az xəbər verir ki, Azərbaycanın münaqişə zonasından kənarda yerləşən rayon və şəhərlərini atəşə tutmaqla mülki əhalini hədəfə alan Ermənistan indi də İranı münaqişəyə cəlb etmək üçün iyrənc plan qurub.

Ermənistanın Səhiyyə Nazirirliyi məlumat yayıb ki, döyüş meydanında qalan cəsədlər vəba kimi yoluxucu xəstəliklərə səbəb ola və Araz çayı vasitəsilə İranın sərhəd zonasına yaxın ərazilərinə yayıla bilər. Düşünmək olardı ki, nazirliyin bu açıqlaması atəşkəsin vacibliyi kontekstində verilib. Çünki Ermənistan rəsmiləri Azərbaycan Ordusunun uğurlu əks-hücum əməliyyatının dayandırılması üçün atəşkəs barədə daha yüksəkdən danışmağa başlayıblar
Oktyabrın 20-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə və səhər bəzi yerlərdə zəif duman, çiskin olacağı ehtimal olunur.
Milli Hidrometeorologiya Xidmətindən Yenisabah.az-a verilən məlumata görə, oktyabrın 20-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə və səhər bəzi yerlərdə zəif duman, çiskin olacağı ehtimal olunur. Mülayim şimal-qərb küləyi əsəcək, gün ərzində arabir güclənəcək.
İran öz dövlət sərhədlərini pozan Ermənistana məxsus pilotsuz uçuş aparatını (PUA) vurub.
Yenisabah.az xəbər verir ki, səhər saatlarında İranın hava hücumundan müdafiə sistemləri Ermənistan ərazisindən hərəkət edən aparatı dövlət sərhədini keçdikdən sonra zərərsizləşdirib.
Hadisə Ərdəbil əyaləti ərazisində baş verib. Həmin dronun kəşfiyyat dronu olduğu müəyyənləşdirilib.
Bu, İran tərəfindən Ermənistan PUA-sının vurulması ilə bağlı ilk hadisə olub.
Rusiyalı siyasətçi, jurnalist, televiziya aparıcısı və ictimai xadim Maksim Şevçenko oktyabrın 18-də YouTube-dakı səhifəsində Dağlıq Qarabağda döyüş əməliyyatlarına həsr olunmuş növbəti videomüraciətini dərc edib.
“Yeni Sabah” bildirir ki, müraciətin lap əvvəlində M.Şevçenko yenə də Ermənistan tərəfinin, guya Azərbaycanın tərəfində vuruşan muzdlular haqqında yalan məlumatlarına toxunub.
"Azərbaycan gənclərinin böyük əksəriyyəti döyüşə can atır. Analar bu uşaqları azadlıq müharibəsinə göndərirlər. Azərbaycanda görünməmiş vətənpərvərlik yüksəlişi hökm sürür. Kimsə mənə heç olmasa bir səbəb göstərə bilərmi ki, Azərbaycanın ən müasir silahlarla təchiz olunmuş Ordusuna həmin müxtəlif dərili yaraqlılardan ibarət qruplaşmalar nə üçün lazımdır?"- deyə Maksim Şevçenko soruşub.
“Dünya dəyişir, müharibə cinayətlərini törədənlər cəzalandırılır”.
Yenisabah.az-ın məlumatına görə, bunu bu gün Bakıda Türkiyə Böyük Millət Məclisinin sədri Mustafa Şentop bildirib.
M.Şentop deyib ki, Xocalı soyqırımı olanda dünyada bir sistemsizlik vardı: “Artıq Xocalı soyqırımının olduğu dünyada yaşamırıq, başqa dünyada yaşayırıq”.
TBMM sədri qeyd edib ki, ATƏT-in Minsk Qrupunun həmsədri olan dövlətlərin Ermənistana silah yardımı etdiyi məlumdur:

Видео Yekun xəbərlər 19.10.2020 (Təcili Xəbər) канала Musa Media