Yekun xəbərlər 21.10.2020 (Təcili Xəbər)

"Azərbaycan ordusu Zəngilanı aldı!.." Bu sözləri özünün "Maks atakuet” Teleqram kanalında rus politoloq, jurnalist, teleaparıcı və ictimai xadim, 9 sentyabr 2018-ci il tarixdən VII çağırış Vladimir Bölgəsi Qanunvericilik Məclisinin deputatı, Rusiya Federasiyası Prezidenti yanında Vətəndaş Cəmiyyətinin İnkişafı və İnsan Hüquqları Şurasının üzvü Maksim Şevçenko yazıb.
O, növbəti dəfə Azərbaycan ordusunun əməliyyatlarını şərh edib: "Bu, o deməkdir ki, demək olar Dağlıq Qarabağdan kənar bütün ərazilər Azərbaycan tərəfindən işğaldan azad edilib. Beynəlxalq spekulyantların və geopolitik oyunçuların Azərbaycan və erməni xalqlarını şantaj edib uzatdıqları "sülh prosesi" artıq əvvəlki formada heç bir məna kəsb etmir.
Azərbaycan Silahlı Qüvvələrinin yalnız kəmiyyət yox, həm də texniki üstünlüyü var.
Yenisabah.az xəbər verir ki, bu barədə "Sputnik Ermənistan" məlumat yayııb.  Məlumata görə, bu fikirləri Ermənistan Müdafiə Nazirliyinin nümayəndəsi Artsrun Ovannisyan İctimai TV-nin efirində deyib.
Onun sözlərinə görə, bəzi sahələrdə Azərbaycanın gücü Ermənistanın gücünü 12 dəfə üstələyib.
“On iki dəfə çox, bunun nə olduğunu başa düşürsünüz? Bu, demək olar ki, müharibə tarixində heç vaxt olmayıb və ya çox nadir hallarda olub”, - A.Ovannisyan bildirib.
ABŞ-ın nüfuzlu “Nyu York Times” qəzeti Qarabağdakı müharibədən yazıb. 

Yenisabah.az xəbər verir ki, qəzetin əməkdaşı Anton Troianovski və fotoqraf Sergey Ponomaryovla birgə Dağlıq Qarabağdakı qondarma respublikanın inzibati mərkəzi olan Xankəndinə gedib.
“Amansız müharibənin ön cəbhəsi: “Dağlıq Qarabağda ölüm və çarəsizlik” başlıqlı materialda bildirilir ki, erməni səngərlərində qorxu hakimdir. "Erməni səngərlərində qorxu hakimdir. Erməni silahlı qüvvələri Azərbaycana məxsus Pilotsuz Uçuş Aparatları qarşısında tamamilə aciz durumdadır", - deyə yazıda qeyd olunur.
Müəllif daha sonra yazır ki, Azərbaycan Ordusu artilleriya və PUA zərbələri ilə 27 sentyabrdan etibarən cəbhədə irəliləməyə davam edir.
Cəbrayıl istiqamətində gedən döyüş əməliyyatları zamanı Azərbaycan Ordusu tərəfindən görülən tədbirlər nəticəsində Ermənistan silahlı qüvvələrinin 556-cı alayının taboru məhv edilib.

Müdafiə Nazirliyinin Mətbuat Xidmətindən Yenisabah.az-a verilən məlumatda bildirilib ki, təqribən 400 nəfər müqaviləli hərbi qulluqçudan ibarət taborun şəxsi heyətinin əksəriyyəti sıradan çıxarılıb. Hərbi hissə yenidən komplektləşdirilməsi üçün Ermənistanın Ararat şəhərinə qayıdıb.
Məlum olub ki, alay komandiri qalan şəxsi heyəti yenidən döyüşə göndərməkdən imtina etdiyinə görə tutduğu vəzifədən azad olunub. Döyüşə getməkdən imtina etdikləri üçün hərbi qulluqçuların çoxu cinayət məsuliyyətinə cəlb olunub.
Yenisabah.az Azərbaycan Xarici İşlər Nazirliyinin mətbuat xidmətinə istinadla xəbər verir ki, Nazir Ceyhun Bayramov Rusiya tərəfi ilə məsləhətləşmələrin həyata keçirilməsi məqsədilə Moskva şəhərinə işçi səfər edib.Oktyabrın 21-də saat 12.00 radələrində Ermənistan silahlı qüvvələrinə məxsus növbəti PUA Hava Hücumundan Müdafiə bölmələrimiz tərəfindən Horadiz istiqamətində məhv edilib.
Bu barədə Yenisabah.az-a Azərbaycan Müdafiə Nazirliyinin Mətbuat Xidmətindən məlumat verilib.
Oktyabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, günün birinci yarısında bəzi yerlərdə duman olacağı, çiskinli yağış yağacağı gözlənilir.
Milli Hidrometeorologiya Xidmətindən Yenisabah.az-a verilən məlumata görə, Mülayim cənub küləyi əsəcək.
Havanın temperaturu Bakıda və Abşeron yarımadasında gecə 12-14, gündüz 18-20 dərəcə isti olacaq. Atmosfer təzyiqi normadan yüksək 771 mm civə sütunundan 767 mm civə sütununa enəcək, nisbi rütubət gecə 70-80, gündüz 55-60 faiz təşkil edəcək.
Oktyabrın 22-də Azərbaycanın rayonlarında hava şəraitinin əsasən yağmursuz keçəcəyi, lakin gecə və səhər bəzi yerlərdə duman olacağı, yağış yağacağı gözlənilir. Mülayim şərq küləyi əsəcək. Havanın temperaturu gecə 10-15, gündüz 18-23, dağlarda gecə 3-7, gündüz 14-18 dərəcə isti olacaq.
Oktyabrın 20-i gün ərzində və 21-ə keçən gecə cəbhənin Ağdərə, Füzuli- Cəbrayıl və Qubadlı istiqamətlərində döyüş əməliyyatları müxtəlif intensivliklə davam edib. 
Müdafiə Nazirliyindən “Yeni Sabah”a daxil olan xəbərə görə, düşmən müdafiə mövqelərimizi atıcı silahlar, minaatanlar və toplardan atəşə tutub.
Azərbaycan Ordusunun keçirdiyi əməliyyat nəticəsində cəbhənin Cəbrayıl və Qubadlı istiqamətlərində Ermənistan silahlı qüvvələrinin 18-ci motoatıcı diviziyasının müdafiə olunan bölmələri şəxsi heyət və hərbi texnikada itki verərək geri çəkilməyə məcbur edilib.
Bu gün Azərbaycan ordusu Zəngilanın azad edilməsi ilə bağlı Prezident İlham Əliyevə məruzə edib. Bu o deməkdir ki, Qarabağın bütün düzənlik hissəsi özünü “Dağlıq Qarabağ Respublikası”nın qoşunları adlandıran Ermənistan ordusunun işğalından təmizlənib”.
Yenisabah.az xəbər verir ki, bu sözləri rusiyalı jurnalist və ictimai xadim Maksim Şevçenko Azərbaycan ordusunun Zəngilan şəhərini və bir sıra kəndləri işğaldan azad etməsi ilə bağlı çıxışında deyib.

Видео Yekun xəbərlər 21.10.2020 (Təcili Xəbər) канала Musa Media