Lav eli - Arevin,arevin (Mher Manukyan & Armine Hayrapetyan)

Արևին Արևին

Ձայն 1
Արևին, Արևին երգեցի
Գիշերվա անլույս մթնում
Անկար հառաչով հուսահատ տենչացի
Ոսկի երկնային ու լազուր:

Ձայն 2
Արևին, Արևին երգեցիր
Հերարձակ Լուսնի գրկում
Լուսազգեստ մի երազ ինձ երազեցիր՝
Կաթնարծաթն իմ ճերմակ ու մաքուր ...

Դու լալով իմ առջև ծնկեցիր,
Դու լալով ինձնից երգ խնդրեցիր,
Տվեցի ես քեզ քո երգերն, իսկ դու
Իմ գրկում ուրիշին երգեցիր...

Ձայն 1 և Ձայն 2
Ախ, մոլորված, շփոթված իմ հոգի
Քեզ պատառում են մարմինն ու ոգին

Ձայն 1 / Ձայն 2
Ինձ այստեղ լքեցիր/ հուսահատ երգեցի
Դու չեկար, / ու չկար
չեկար, / չկար
չեկար/ չկար
Ինձ այստեղ լքեցիր/ հուսահատ երգեցի
Դու չեկար, / ու չկար
Մի ելք չկար ինձ համար

***
Արևին, Արևին երգեցի
Գիշերվա անլույս մթնում
Բարձրաձայն փրկություն երկնաբարձ կանչեցի
Անկումի հևասպառ մշուշում

Արևին, Արևին երգեցիր
Բայց եկար Լուսնի գրկում
Գտնելու ամոքում և սփոփանք և հանգիստ
Քնի մեջ մարելու իմ գրկում

Դու եկար քնի մեջ մարելու
Դու եկար ինձ ընդմիշտ փարվելու
Թե իմանայի որ անուրջ էր լույսս
Անուրջ էր լոկ քեզ լինելու ․․․

Ձայն 1 և Ձայն 2
Ախ, մոլորված, շփոթված իմ հոգի
Քեզ պատառում են մարմինն ու ոգին

Ձայն 1 / Ձայն 2
Ինձ այստեղ լքեցիր/ հուսահատ երգեցի
Դու չեկար, / ու չկար
չեկար, / չկար
չեկար/ չկար
Ինձ այստեղ լքեցիր/ հուսահատ երգեցի
Դու չեկար, / ու չկար
Մի ելք գտնեմ ինձ համար

Видео Lav eli - Arevin,arevin (Mher Manukyan & Armine Hayrapetyan) канала Aren Voskanyan