Եթե ուզում էք զերծ մնալ այն ամենից, որ լինելու է

Եթե ուզում էք զերծ մնալ այն ամենից, որ լինելու է, Տեր Հիսուսն ասում է «արթու՛ն կացեք այսուհետև և ամեն ժամ աղոթք արեք» (Ղկ. 21:36): Երբ Տեր Հիսուսը պատմում էր աշխարհի վերջի նշանների ու արհավիրքների մասին ասաց. «Արթո՛ւն կացեք այսուհետև, ամեն ժամ աղո՛թք արեք, որպեսզի կարողանաք զերծ մնալ այն ամենից, որ լինելու է, և արժանի լինեք կանգնելու մարդու Որդու առաջ» (Ղկ 21:36):

Ինչի՞ց զերծ մնալ:

Սուրբ մարդիկ ասում են, առաջին. մի գուցե սովից ու համաճարակներից, և այլ արհավիրքներից, որոնք ընտրեալների համար այնքան էլ ծանր չեն լինի քանի չապաշխարողների համար: Այլ հակառակը, հանուն ընտրեալների, հնարավոր է մյուսների համար էլ կարճեցվեն:

Եվ երկրորդ, մի գուցե արթուն կացողներն ու ամեն ժամ աղոթողները զերծ կմնան այն ամենից, որ միշտ գալիս են մեղավորների վրա և որոնցից անհնար է խուսափել այլ կերպ, քան աղոթքով և սեփական անձի վրա հսկելով: Բացի սրանից, ամեն ժամ աղոթողներն ու արթուն կացողները արժանի կլինեն ավելի բարձր բանի՝ կանգնել Քրիստոսի առաջ, որ հրեշտակների արժանիքն է (Մթ. 18:10):

Սիրելի մարդիկ: Այսօր Մեծ Պահքի վերջին Կիրակին է, ու այն կոչվում է Գալստյան Կիրակի: Այն վերաբերում է Քրիստոսի առաջին և 2րդ գալուստներին: Աստված ուզում է, որ մենք իմանանք աշխարհի վերջի նշանների մասին, որ նախորդելու են իր 2րդ Գալստյանը:

Դուք էլ պատրաստ եղեք, արթուն կացեք, մի անտեսեք: Կարդացեք Ղուկաս 21:5-38: Պատմեք մարդկանց այս բաների մասին, որ զերծ մնան գալիս պատուհասներից ու արհավիրքներից:

Видео Եթե ուզում էք զերծ մնալ այն ամենից, որ լինելու է канала Armen Hareyan