കടലുണ്ടി പുഴയിൽ ഞങ്ങൾ തോണിയാത്ര ചെയ്തപ്പോൾ കണ്ടത് | കടലുണ്ടി പുഴയും രുചികളും തോണി യാത്രയും

കടലുണ്ടി പുഴയും കടലുണ്ടി പാലവും കടലുണ്ടിയിലെ അഴിമുഖവും എല്ലാം നല്ല അനുഭവങ്ങൾ ആണ് നമ്മക്ക് നൽകുക. ഒരിക്കൽ ഞങ്ങൾ കടലുണ്ടി ബാലേട്ടന്റെ കടയിൽ നിന്നും പുഴമീൻ വിഭവങ്ങൾ കഴിക്കുവാനായി പോയിരുന്നു (https://youtu.be/pW4CqfRK3Ms). പുഴമീൻറെ രുചി ഏറെ ഇഷ്ടപെട്ട ഞങ്ങൾ വീണ്ടും കടലുണ്ടിയിലേയ്ക്ക് പോയി. ഇപ്രാവശ്യം ഞങ്ങൾ അവിടെ തങ്ങി കടലുണ്ടി പുഴയിലെ രുചികൾ ആസ്വദിക്കാൻ തീരുമാനിച്ചു. ഒപ്പം റൂട്ട് റെക്കോർഡ്‌സ് ചാനലിന്റെ അഷ്റഫും കൂടി.
അഷ്‌റഫിന്റെ ചാനൽ: https://www.youtube.com/user/ashrafexcel
Subscribe Food N Travel: https://goo.gl/pZpo3E
Visit our blog: FoodNTravel.in
ഇത്തവണ ഞങ്ങൾ തങ്ങിയത് ഒരു ചെറിയ ഹോംസ്‌റ്റേയിൽ ആണ്. 2000 രൂപ മുതൽ നിരക്ക് വരുന്ന ഒരു ചെറിയ താമസം; അതും കടലുണ്ടി പുഴയോട് ചേർന്ന് തെങ്ങിൻന്തോപ്പുകളുടെ ഇടയിൽ.
ഈ ഹോംസ്റ്റേയുടെ ബാൽക്കണിയിൽ ഇരുന്നാൽ കടലുണ്ടി പുഴയുടെ കാഴ്ചകളും കാണാം നല്ല കാറ്റും ആസ്വദിക്കാം. ഇതിനെല്ലാം പുറമെ നല്ല രുചിയുള്ള നാടൻ ഭക്ഷണവും.
ഹോംസ്റ്റേയ്: River View Kadalundi Home Stay (https://riverviewkadalundi.com/)
ലൊക്കേഷൻ മാപ്: https://goo.gl/8tLvXP

River View Kadalundi Home Stay ഒരു റേറ്റിംഗ് കൊടുത്താലോ (എന്റെ സ്വന്തം അഭിപ്രായമാണേ):
ഭക്ഷണം: ⭐⭐⭐⭐🌥️ (4.5/5)
പരിസരം: ⭐⭐⭐(3/5)
സേവനം: ⭐⭐⭐⭐(4/5)
വില: 💰💰(2/5)

വിലയുടെ റേറ്റിംഗ് അർഥം -
💰 ബജറ്റ്
💰💰 മോഡറേറ്റ്
💰💰💰 ഹൈ
💰💰💰💰 ഭയങ്കര പൈസയാണ് അവിടെ

റിവർ വ്യൂ ഹോംസ്‌റ്റേയിൽ പോയാൽ നിങ്ങൾ ഒരിക്കലും മിസ് ചെയ്യരുതാത്ത കാര്യങ്ങൾ:
1. കടലുണ്ടി പുഴയിൽ നിന്നും പിടിച്ച ഞണ്ടു കറി: എരിവ് ഒരല്പം കൂടുതലാണെങ്കിലും എനിക്ക് ഈ ഐറ്റം നന്നേ ഇഷ്ടമായി.
2. കപ്പയും കടായി ചിക്കനും: അങ്ങനെ ഒരു കോമ്പിനേഷൻ ചിന്തിച്ചതേയില്ല. പക്ഷെ അവിടെ നിന്നും കഴിച്ചപ്പോൾ അത് കിടു എന്ന് തോന്നി.
3. കടലുണ്ടി പുഴയിൽ ഒരു തോണിയാത്ര: അത് ആണ് ശരിക്കും മിസ് ചെയ്യരുതാത്ത ഒരു കാര്യം. വളഞ്ഞു പുളഞ്ഞ് ഒഴുകുന്ന പുഴയിലൂടെ കണ്ടല്കാടുകളുടെ ഇടയ്ക്കൂടെ പക്ഷി സങ്കേതത്തിനുള്ളിൽ കൂടെ (പക്ഷികൾ അധികം ഒന്നും ഇല്ലെങ്കിലും) അങ്ങനെ മെല്ലെ മെല്ലെ ഒഴുകി ഒഴുകി അഴിമുഖത്തിന്‌ അടുത്ത് വരെ ചെല്ലാം. അത് ഒരു സുഖമുള്ള അനുഭവമാണ്.
അത് പറയാൻ മറന്നു; കടലുണ്ടി പുഴയിൽ തോണിയാത്രയ്ക്കായി പോയപ്പോൾ ഞങ്ങൾ എന്താണ് കണ്ടതെന്നോ? ഒരു പറ്റം നീർ നായ്ക്കളെ. ഒരു മുപ്പത് എണ്ണം ഉണ്ടാവും... അവരെല്ലാം കൂടി പുഴയിൽ നിന്നും മീൻ പിടുത്തം ആയിരുന്നു. മീൻ പിടുത്തത്തിൽ വിരുതന്മാരാണ് ഈ നീർ നായ്ക്കൾ. ബാക്കി നിങ്ങള്ക്ക് ഈ വീഡിയോ കണ്ടാൽ മനസ്സിലാവും.

Видео കടലുണ്ടി പുഴയിൽ ഞങ്ങൾ തോണിയാത്ര ചെയ്തപ്പോൾ കണ്ടത് | കടലുണ്ടി പുഴയും രുചികളും തോണി യാത്രയും канала Food N Travel by Ebbin Jose