Сіз бен біздің ақшамыз «жоғарыдағы директорлардың» қалтасын қампайтуға кетіп жатыр

Еліміздегі ұлттық компаниялар Қазақстанды дамыған отыз елдің қатарына қосып, елдегі инфляция мен қымбатшылықты тоқтатып, бір миллион кедейдің мәселесін шешіп тастаған керемет менеджерлер секілді миллиардтап айлық алады екен. Өткен жылы Қазақстандағы ұлттық компанияларды қаржыландыруға мемлекеттік бюджеттен 817 миллиард теңгеден астам қаражат бөлінген. Ал осы сомадан әкімшілік шығындарға берілген ақшаның 58 пайызы, яғни жартысынан көбі қызметкерлердің жалақысын төлеуге жұмсалыпты. Қалған ақша директорлар кеңесіне сыйақы төлеуге кеткен. Яғни, сіз бен біздің салыққа төлеген ақшамыздан жиналған миллиардтар жұмыста өз тиімділігін көрсете алмай жүргендердің қалтасын қампайтуға кеткен.
Өткен жыл Қазақстан экономикасына айтарлықтай ауыр тиген. Мұны бюджетке түспей қалған триллиондар туралы айтқан Қаржы министрінің есебінен анық байқауға болады. Алайда кейбірінің жұмысы жабылып, 42500 теңгеге де зар боп жатқанда, ұлттық компания басшылары салыққа түскен ақшадан миллиондап сыйақы алған. Есеп комитетінің төрайымы бұл қаражатты бекер шығындалу деп отыр, өйткені өткен жылы дәл осы квазимемлекеттік сектордан бюджетке 7 пайыз ғана дивидент түскен.
НАТАЛЬЯ ГОДУНОВА, Республикалық бюджеттің атқарылуын бақылау жөніндегі есеп комитетінің төрайымы:
– Директорлар кеңесі мүшелеріне берілетін сыйақылар мен бонустар KPI-ға байланысты емес. Яғни, ретсіз сыйақы ұлттық компания өкілдерін тиімді жұмыс істеуге ынталандырмай отыр. 2020 жылы 25 квазимемлекеттік сектор және олардың 16 трлн.-ға жуық активтері тексерілді. 60 жүйелі проблемалар мен қаражат жетіспеушілігі анықталды, 41 млрд.теңгеге қаржылық бұзушылықтар анықталған, 340 млрд.теңгеге жуық активтер тиімсіз басқарылған.
Осындай өрескел бұзушылықтарға жол берген ұлттық компаниялар мемлекеттік сатып алуларды да ашық жүргізбейді екен. Сметалық құжатқа жоғары баға жазып, сыйбайлас компаниялардан қажетін сатып алып отырған.
Ал экономистер бюджетке шығын келтіретін пайдасы жоқ компаниялардың көзін құрту керек деп отыр. Айтуларынша, квазимемлекеттік сектордың нақты бір адамдардың бас пайдасына жұмыс істейді.
РҮСТЕМ ЖАНСЕЙІТОВ, экономист:
– Они работают не для благо страны, не для того чтобы мы с вами здесь хорошо жили, а просто чтобы себе карманы набивать. Это не для кого не секрет, посмотрите кто стоит во главе этих нацкомпании. Побольшому счету эти нацкомпании не нужны.
Сенаторлар өткен жылғы бюджетті қарау кезінде ұлттық компания иелігінде моторлы яхта, спорттық-сауықтыру кешені, дәмхана, қонақ үй секілді тағы басқа инфрақұрылымның барын да анықтаған. Осылайша ақшаны оңды-солды шашқандарды бақылауды заң жүзінде бекіту керек деген байламға келген Есеп комитетінің төрайымы қарапайым халықтың қыруар қаражатын қалауы бойынша жұмсағандардың қандай жауапкершілікке тартылатыны туралы тіс жармады.

Гүлназ Сайлауқызы, Нұркен Тоқмурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ҰлттықКомпаниялар #премия #сыйақы #миллиардтар

Видео Сіз бен біздің ақшамыз «жоғарыдағы директорлардың» қалтасын қампайтуға кетіп жатыр канала Информбюро 31