Утильдік алым 100 мыңнан аспау керек! Жүргізушілер Президент Тоқаевқа петиция жолдады

Қазақстандық көлік жүргізушілері Президент Қасым-Жомарт Тоқаевтан утилизациялық алым көлемін төмендетіп, жаңа көліктердің бағасын халыққа қолжетімді етуді сұрайды. Ол үшін кәдеге жарату төлемдерінің көлемін 55 есеге қысқартып, бұдан былай 100 мың теңгеден асырмау керек деген петицияға қол жинап жатыр. Себебі, көрші мемлекеттермен салыстырғанда бізде утильдік мөлшерлеме тым қымбат дейді. Қазірдің өзінде петицияны бес мыңнан астам адам қолдап, қол қойған.
Утильдік алымдарға қарсы қол жинай бастағандардың бірі - атыраулық Асхат Нұрсұлтанов. Оның айтуынша, ауыл шаруашылығы техникалары мен электр құралдарына утильдік алымдарды толық алып тастау керек. Ал жеңіл көліктердің кәдеге жарату төлемдері 20 мың теңгеден басталып, 100 мың теңгеден аспауы тиіс дейді. Айтуынша, биліктегілер алты жыл бұрын елімізде утильалым енгізілгенде, халықтың қамын ойламаған.
АСХАТ НҰРСҰЛТАНОВ, Атырау қаласының тұрғыны:
– Утильсбор кесірінен қазір барлық әлеуметтік маңызы бар қымбат. Мысалға ауыл шаруашылық техникасына утильсбор енгізу кесірінен азық-түлік қымбаттауда. Кабель өнімдеріне утильсбор енгізу кесірінен кв метр яғни, үйдің бағасы қымбаттауда.
Елімізде утильалымдар автокөлік құралдары, дөңгелектер, аккумулятор, электр және электр құрылғыларынан алынады. Қазақстанда бұл төлем жарты миллионнан басталып бес жарым миллион теңгеге дейін барады. Ал автокөлік өндірісі дамыған көптеген Еуропа мен Азия елдерінің өзінде утильдік алымдар екі жүз доллардан аспайды. Әлемде ең төменгі утильалым Нидерландыда. Онда кәдеге жарату төлемі 40 еуродан көп емес. Сондықтан, ел азаматтары рөлі оң жағында орналасқан көліктерді Ресей, Армения мен Қырғызстаннан сатып алып жатыр.
Ал тәуелсіз автокөлік одағының төрағасы Эдуард Эдоковтың айтуынша, бес жылда жиналған 700 млрд теңгеге жуық ақшаның көп бөлігі қайда кеткені белгісіз. Себебі, оның жиналған қаржыға Отандық көлік құрылысын дамыта алмадық дейді. Сондықтан бұған дейін жиналған утильалымның кері қайтарылуын талап етуге толық құқымыз бар дейді.
ЭДУАРД ЭДОКОВ, Тәуелсіз автокөлік одағының төрағасы:
– Кәдеге жарату төлемімен бірге бастапқы тіркеу алымының көлемін де қысқарту керек. Бұл екі төлемнің көлемі қалта көтермейді. Осы екеуінің көлемі қысқарса ғана көліктердің құнының 20-30 пайызға төмендеуін күтуге болады.
Ал көлік жүргізушілері петиция Президентке жетіп, талаптарымыз ескеріледі деген үмітте.
Руслан Жасұланұлы, Азамат Елубаев
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#утилизация #РОП #утиль_сбор #петиция

Видео Утильдік алым 100 мыңнан аспау керек! Жүргізушілер Президент Тоқаевқа петиция жолдады канала Информбюро 31