John Beag Ó Flatharta - Amhrán Mhaggie Thatcher

Amhrán grinn casta ag John Beag.
Tá aithne ar Mhaggie Thatcher agaibh, cá bhfuil an té nach bhfuil?
Mar is iomaí fear a mharaigh sí 's mar gheall uirthi doirtfear fuil,
Chuaigh an Taoiseach s'againne anonn aici le sásamh éicínt a fháil,
Cibé rud a bhí ag dul anonn aige ní raibh tada ag teacht anall.

Tá sé bailithe anonn go Sasana chúig huaire uilig le mí,
É fhéin 's Peter Barry 's an New Forum acu i gcaoi,
Ó leag siad isteach ag Maggie é, dúirt sí 'What's it all about?'
Níor léigh sí ach an chéad pharagraph nuair a dúirt sí 'Out, out, out!'.

'Foc san aer thú a Mhaggie Thatcher' dúirt an Taoiseach arú inné,
Má chastar arís i mo bhealach thú ó déanfaidh mé dhíot gé,
Mar chaith tú an bhliain ag magadh fúm 's mo mhaslú i gcaitheamh an am,
Ach beirimse mo mhallacht dhuit i ngach ceard a mbeidh tú ann.

Ó Éireannaigh atá i Sasana ná tugaigí uirthi aon aird,
Nach sibh fhéin a thóg na motorways atá déanta i chuile cheard,
Ó d'oibrigh sibh go daingean ann le brí agus spreacadh láimh,
Ó shaothraigh sibh bhur gcuid airgid 's ní bhfuair an taxman bugger all.

Tá Maggie seo an-damanta, tá iarrann ina lámh,
Mar tá an ghráin shíoraí ceart aici ar Fine Gael 's ar Fianna Fáil,
Níl aon mheas aici ar na hÉireannaigh ó níl sí ceart ná cóir,
Mar is mar a chéile díreach í le Paisley an chloiginn mhóir.

Ó thriail siad í a scanrú nó go n-athróidís a streill,
Ach ní fiú go ndeachaigh scratch uirthi nó a bombáileadh an hotel,
Tá caint mhór ar Ghaddafi, Ayatollah 's a bhfuil ann,
'S ar Arab mhór an airgid a bhfuil an bhratach ar a cheann.

Sí Maggie an bhean is measa acu, sí is uafásaí le fáil,
Tá spíodóirí i ngach áit aici ó na Falklands go dtí an Dáil,
Tá muide i bhfad ró-éasca aici tá an Taoiseach i bhfad ró-réidh,
Ba cheart dhó éirí as na cainteanna 's í a thabhairt don IRA!

'Foc san aer thú a Mhaggie Thatcher' dúirt an Taoiseach arú inné,
Má chastar arís i mo bhealach thú ó déanfaidh mé dhíot gé,
Mar chaith tú an bhliain ag magadh fúm 's mo mhaslú i gcaitheamh an am,
Ach beirimse mo mhallacht dhuit i ngach ceard a mbeidh tú ann.

Видео John Beag Ó Flatharta - Amhrán Mhaggie Thatcher канала AnFearGorm