Міне қызық! Шымкентте практикалық дәрістегі студенттер арам шөп жұлып жүр

Шымкенттегі М.Әуезов атындағы мемлекеттік университетінің студенттері практикалық дәріс кезінде арам шөп жұлып жүр. Бұл туралы белгілі блогер Айгүл Орынбек әлеуметтік желіде жазды. Айтуынша, суару макетінің жоқтығына байланысты өндірістік тәжірибе деп осындай іспен айналысуға мәжбүрлеген.
Шыжынаған күн астында саябақтардағы арам шөпті жұлып жүрген 2 курс студентерінің ата-аналары осындай шағым айтыпты. Ал туризм факультетіндегілер қонақ үйлердегі әжетханаларды да тазалайды деп үлкендер дабыл қаққан. Оқу орнының өкілдері бұл уәжбен келіспейді. "Су ресурстары және суды пайдалану" мамандығы бойынша су көзін табу, оны бұру сияқты тәжірибені тек осындай далалық жерде үйретуге бағытталған шара болатын дейді педагогтар.
ГҮЛМИРА ЕЛИБАЕВА, М.Әуезов атындағы ОҚУ "Аграрлық" факультетінің деканы:
– Агроөнеркәсіптік кешенінде суару жұмыстарын үйрету үшін тәжірибе негізінде студенттер тартылған болатын. Су көзі қайда орналасқанын, суармалы жерге қалай су берілетіні, су ресурстарын қалай үнемдеуге болатынын шағын аумақ негізінде үйретеді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#студенттер #практика #Шымкент

Видео Міне қызық! Шымкентте практикалық дәрістегі студенттер арам шөп жұлып жүр канала Информбюро 31