Балқаш көлінің тағдыры Қытайдың қолында ма?

Балқаш көлінің аясы тарылып барады. Оған себеп, бұл көл суының 80 пайызы келетін Іле өзені мен көлге құятын шағын көлдер мен өзендердің құрғап кетуі. Мына картаны бізге көрсеткен Балқаш ауданының тумасы, көл көлемінің жағалауынан 10 шақырымға кішірейіп кеткенін айтады. «Бастауын Қытайдан алатын Ілені ар жақтан қысқаны аздай, бер жақтағылар, яғни өзіміздікілер де қолдан құрғақшылық жасап отыр» - деп бізге дәл осы мәселені бірнеше жылдан бері көтеріп жүрген Ізтілеу Рахымжанов айтты. «Экологиялық трегадияның алдында тұрмыз деп дабыл қаққалы, жанайқайыма құлақ салар жан табылмады» деген азаматтың айтқанын өз көзімізбен көрмекке Алматыдан 330 шақырым қашықтықта жатқан Топар, Аралтөбе ауылдарына іссапармен барып қайттық. Көргеніміз - жол бойындағы құрғақшылықтан жері кеберсіп, ақшаңқан тартқан телімдер мен қай шұңқырына түсіп кетеміз деп бізді алаңдатқан тым сапасыз жол. Ал, ауыл арасындағы арығы мен шағын өзені құрғап кеткелі жасыл желегі азайған елдің мәселесі де шаш етектен. Балық аулай алмағаны былай тұрсын, құрғақшылық көбейткен кекек шөбіне малы уланып, төл бермей қалды деп наразы. Ал, жыл сайын облыстан гидротехникалық шаралар үшін сан миллион қаражат бөлінсе де, дәл осындай жұмыстар үшін әр отбасы неге 500 теңгеден жинап жүр? Құрғақшылықтың қолдан жасалғаны рас па? Аудан белсендісі айтқандай, жергілікті халық жағдайын айтудан неге қорқады? Оларға қысым көрсетіліп жатқаны рас па? Осы сауалдарға «Сөздің шыны керекте» жауап іздеймін.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#сөздің_шыны_керек #ИринаСоветжанқызы

Видео Балқаш көлінің тағдыры Қытайдың қолында ма? канала Информбюро 31