Шымкент тұрғындары жылдар бойы шешілмей, қордаланған мәселелерін шенділерге жеткізді

«Информбюроның» «Сөз сізде» жобасы бүгін Шымкент қаласының тұрғындарына микрофон ұсынды. Жиналғандар жылдар бойы шешілмей, әбден қордаланған мәселелерін жеткізді. Бірі үй кезегін сегіз жыл күткенін айтса, енді бірі жұмыссыздық проблемасын шешудің жолдары жеңілдетілсе деген өтініштерін жеткізді. Бұдан бөлек, отбасында үш бірдей мүгедек жанды асырап отырған ананың мемлекеттен берілетін дәрі-дәрмекке қатысты сұрақтары болды. Ту сыртынан несие рәсімдеген алаяқтарға алданып, баспанасынан айырылған отбасылар да бар екен. Тұрғындардың шағымына Шымкент қаласы пен жауап береді. Ассалаумағалейкум. Алдымен арызды тыпдап алсақ.
БАЗАРБАЙ ДАРИЕВ, Шымкент қаласы Абай ауданының тұрғыны:
– «Ақ мешіт» артында «Қос диірмен» 1, 2 және 3 тупик көшелері орналасқан. Жол құрылысы жасалынған. Соған 1-ші және 2-ші тупикте көшеге кірер жол қалдырылған да, 3-ші тупикке бордюр қойып тастаған. Соның кесірінен көшеге көлік кіре алмайды. Жуырда көршіміздің қорасындағы шөбі өртеніп өрт сөндіру шақырған. Көшеге кіре алмай кіретін айналма жол іздеп жүргенде сарайының жартысы жанып бітті.
Тұрғындарды толғантқан тағы бір мәселе - көгілдір отынның қолжетімсіздігі. Шағымдарын арқалаған азаматтар ірі мегополисте тұрсақ та, әлі күнге дейін көмір жағып отырмыз дейді.
НҰРБОЛАТ ӨМІРБАЕВ, Шымкент қаласы «Қайнарбұлақ» шағын ауданының тұрғыны:
– Шымкент қаласы Қайнарбұлақ мөлтекауданында тұрамын. Жиырма жылдай болды тұрғанымызға, осы күнге дейін әлі газ жүйесі тартылмаған. Көмір жағамыз. Жан-жақтағы барлық шағын аудандарға табиғи газ кіріп қойған. Тек бізде жоқ. Халық өте көп тұрады, елу- алпыс мыңдай шамамен. Тіркелмегені қаншама?! Табиғи газды кіргізіп берсе, көмір жағудан қатты қиналдық. Қазір қымбаттады, тоннасын 25 мыңнан сатып аламыз.
Эфир уақыты шектеулі болғандықтан жиналғандардың барлығының мәселесін камераға жазып алу мүмкін болмады. Дегенмен, "Информбюро" бүгін айтылған әрбір тұрғынның арыз-шағымын қараусыз қалдырмайды. Барлығын жергілікті атқарушы органдарға жеткіземіз.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Информбюро #СөзСізде

Видео Шымкент тұрғындары жылдар бойы шешілмей, қордаланған мәселелерін шенділерге жеткізді канала Информбюро 31