Ақтаулық жұрт тағы да газ таппай сенделуде

Ақтауда жүргізушілер сұйытылған газ үшін тағы да сағаттап кезек күтіп жүр. Олар тіпті, кешкі уақытта көгілдір отынды табу қиын екенін айтады. Сонымен қоса газ бағасы өңірде жиі өзгеріп тұратынына қала тұрғындарының көңілі толмайды. Ал біраз уақыттан бері «мәселені шешеміз» деп келген әкімдік әлі де баяғы уәдесін беріп отыр. МАХАББАТ НҰРЖАНҚЫЗЫ, тілші:– Ақтауда сұйытылған газ бекеттерінде тағы да кезек көп. Тұрғындар әр бекетте осындай кезектің бар екенін айтады, ал кейбірінде көгілдір отын тапшы дейді. Жүргізушілер бұл мәселені шешуді құзырлы органдардан сұрап отыр. САБЫРБЕК, жүргізуші:– Бір жерде мынау тұрғанымыз. Жаңа 40 минуттай болды тұрғанымызға. Шаруа қалды жайына. Бәрі жұмыста, жұмыстың уақытында келіп газ алмаса кешке газ жоқ Ақтауда.АСЛАН ДОҒДЫРБЕКОВ, жүргізуші:– Бір жарым сағат тұрамын очередьте күнде. Басқа жерде жердің бәрі осындай очередь. Қалада газдың бәрі очередь қой, тұрақты болғаны жақсы.Маңғыстау облысы газдың үстінде отырса да осы түсініксіз мәселенің шешілмегеніне бірнеше айдың жүзі болды. Ал бұл тұрақты қайталанатын жағдай екенін ескеру керек. Облыстық энергетика басқармасы өткен айда сұйытылған газ көлемін ұлғайту үшін «көрші облыстардан әкелеміз» деп уәде берген еді. Десе де бұл айда біраз бекет көгілдір отынның жоқтығынан жабық тұр. СЕРІКБАЙ ТРҰМОВ, Маңғыстау облысының әкімі:– Біз енді өңірдің газға қажеттілігін шешу үшін уақытында қосымша газды Атыраудан, Ақтөбеден алатын боламыз. Әрине бағасына байланысты мәселелер туындайды. Оны күнделікті қадағалау орындарымен бірлесе отырып шешуге дайынбыз. Облыс әкімінің айтуынша, Жаңаөзендегі «Қазақ газ өңдеу» зауыты 14 мың 500 тонна газ өндіреді. Ал облыс тұрғындарының қажеттілігі үшін 17-18 мың тонна көгілдір отын қажет екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтаулық жұрт тағы да газ таппай сенделуде канала Информбюро 31