Ақтөбеде жалғыз ұлынан айырылған ана баласын өлтіргендерді іздейді

Ақтөбеде жалғыз ұлынан айырылған ана президент Қасым -Жомарт Тоқаевтан көмек сұрайды. Үш жыл бұрын базарда қарбыз сатып тұрған жерінен ұшты-күйлі жоғалып, артынан қала сыртынан мәйіті табылған марқұмның туыстары әлі күнге күдіктілерді таппай отырған полицейлер мен прокурорлардың әрекетіне наразы. Сөздерінше, құзырлы орындар ұлын базардан алып кеткен қымбат көлік табылғанымен, осы күнге дейін оның ішіндегі адамдары жоқ дейді. Етегі жасқа толып еңіреген ана жалғызымды өлтіріп, айдалаға көміп кеткендердің әлі күнге ұсталмай, тайраңдап жүргеніне қиналамын дейді. Сөзінше базарда қарбыз сатып тұрған жерінен ұлын көлікке мінгізіп алып кеткендерді полицейлер үш жылдан бері әлі таба алмапты. Райхан Есенаманова ашылмаса да үш жыл бойы тергеліп жатқан қылмыстық іске ішкі істер министрлігіне дейін араласқанын, алайда ол жақтан да ешқандай өзгеріс пен көмектің болмағанын айтады.РАЙХАН ЕСЕНАМАНОВА, тұрғын: – Қылмысты істеген адам жәй адам емес. Жәй адамның қолынан келмейді. Жәй адам мұндай машина мінбейді. Менің ойым, неге бұл машина тексерілмейді? Бұл машинаның қожайынын неге тексермейді? Мен міне үш жылдан бері «мама» деген «анашым» деген сөзге зар болып келе жатырмын. Екі немерем әкесіз қалды. Әйелі жарсыз қалды. Мен баласыз қалдым. Үш жылдан бері бармаған жерім, баспаған тауым қалған жоқ. Ал полиция департаменті күдіктілер табылмағандықтан қылмыстық істі тоқтатып қойғандарын айтады. Үш жылға созылған істі ашуға қазір ішкі істер министрлігінің орталық аппаратынан құрылған жедел тергеу тобы айналысып жатыр екен.САМАТ АИСОВ, Ақтөбе облыстық ПД бастығының орынбасары:– Қазіргі уақытта қылмыстық іс бойынша сотқа дейінші тергеу мерзімдері үзілді. Алайда аса ауыр қылмысты ашуға бағытталған жедел іс шаралар жүргізілуде. Қылмыстық іс Ақтөбе облысы ПД бастығының, ҚР ІІМ басшылығының және Ақтөбе облысы прокуратурасының бақылауында. ЖАНАР ҚОЖАНОВА, тілші:– Райхан Есенаманова күні кеше Ақтөбеге келген заңгер Айман Омарова арқылы президентке хат жазып жібергенін айтады. Ол Қасым- Жомарт Тоқаевтан үш жыл бойы қылмыстық істі ашуға әрекетсіз отырған полицейлер мен прокуратураға тапсырма беріп, мәселені өз бақылауына алса екен дейді. Жалғызынан айырылған ана ұлымды аяусыз өлтіргенді ұсталмайынша жаным тыныш таппайды деп отыр.

Жанар Қожанова, Бағдат Баймурзин
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтөбеде жалғыз ұлынан айырылған ана баласын өлтіргендерді іздейді канала Информбюро 31