Әйелдің басынан балғамен ұрған: қайғылы жағдайдан соң жеті полицей жұмыстан қуылды

Атырауда балконнан кіріп, балаларының көзінше әйелдің басын балғамен ұрып, кейін өз-өзіне қол жұмсаған қайғылы оқиғадан соң жеті полицей лауазымынан шеттетілді. Үш баланың анасы осыған дейін таныс азаматтың өзін ұрып-соғып келгенін айтып құқық қорғаушылардан көмек сұраған екен. Бірақ полиция дер кезінде әрекет етпегендіктен арты жантүршігерлік жағдайға әкелді дейді туыстары.
Басынан ауыр жарақат алған 34 жастағы келіншектің қазіргі денсаулығы бір қалыпты. Оқиғаны көзімен көрген балаларға психологтар көмек беріп жатыр. Дей тұрғанмен әйелдің туыстары Президент Қасым-Жомарт Тоқаев пен Ішкі істер министріне үндеу жолдады.
АЛИСА САТАНОВА, Жәбірленушінің туысы:
– Құрметті Президент Қасым-Жомарт Тоқаев, бұл қылмысқа назар аударыңыз. Бей-жай қарамаңыздар. Елімізде ана мен баланың өмірінің қауіпсіздігін қамтамасыз ететін заңдарды шығаруды сұраймын. Министр Ерлан Заманбекұлынан Атырау облысы бас полицейінен бастап, осы іске қатысы бар қызметкерлерге, тергеушілерге қызметтік тексеру жүргізуді талап етемін.
Ал Атырау облыстық полиция департаменті заң бұзушылыққа жол берген 7 полицей лауазымдарынан босатылғанын мәлімдеді.
БОЛАТ КӨШҚАЛИЕВ, Атырау облысы Полиция департаменті бастығының орынбасары:

– Бұл қылмыстық оқиға байланысты Қылмыстық Кодекстің үш бабы «Ауыр дене жарақатын салу, зорлау және жеке тұрағына қол сұғушылық» бойынша іс қозғалды. Ал қызметтеріне салғыртық танытқан қызметкерлер лауазымдарынан шеттетілді. Сондай-ақ, қауіпсіздік қызметі басқармасы да полицейлерге қатысты тексеру жүргізіп жатыр.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Атырау #қанды_қылмыс

Видео Әйелдің басынан балғамен ұрған: қайғылы жағдайдан соң жеті полицей жұмыстан қуылды канала Информбюро 31