Қазақстанның білдей бір ірі қаласы су астында қалуы мүмкін

Солтүстік Қазақстан облысында Есіл өзені арнасынан асып, су тасқыны күшейіп келеді. Қазір Петропавл маңындағы Заречный ауылына қауіп төніп тұр. Бүгіннің өзінде елді мекенге баратын жолды су шайып, қатынас үзілген.
СӘКЕН АҒЗАМОВ, СҚО Төтенше жағдайлар департаментінің бөлім басшысы:
– Қазір қауіпті аумақта, яғни саяжай учаскілерінде тұратын тұрғындарға ескертіп қойдық. Су деңгейі күрт көтерілсе, оларға үйлерін тастап көшуге тура келеді. Барлығы 100 отбасын есепке алдық.
Екі тәулік ішінде су деңгейі бір метрге көтеріліп, мыңнан артық саяжай участкілері судың астында қалды. Заречный ауылына баратын Алматы- Екатеринбург тас жолын да су шайып, көлік қозғалысына тыйым салынды. Төтенше жағдай мамандары елді мекеннің жан-жағынан тәуліктік күзет қойып, саяжайға жайылған су тұрғын үйлерге жетсе, халықты көшіріп алуға дайын екендерін айтты. Себебі, алдағы күндері су деңгейі тағы жарты метрге көтерілуі мүмкін екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#тасқын #СҚО #апат

Видео Қазақстанның білдей бір ірі қаласы су астында қалуы мүмкін канала Информбюро 31