Əsas xəbərlər 09.12.2020 (Xəbər Saatı) Ermənilər Zəngəzuru İTİRƏCƏK! - ŞOK FAKT!

Azərbaycan Respublikasının Müdafiə Nazirliyinin Vətən müharibəsində 2783 nəfər şəhid olmuş Silahlı Qüvvələrimizin hərbi qulluqçuları barədə 3 dekabr 2020-ci il tarixli məlumatına əlavə olaraq bildiririk ki, bu günədək 2723 şəhidimiz dəfn edilmişdir.
Dəfn edilmiş şəhidlərimizin foto şəkilləri, adları, soyadları, hərbi rütbəsi və doğum tarixi haqqında məlumat təqdim olunur.
Laçın rayon İcra Hakimiyyəti əhalinin siyahıya alınmasına başlayıb.
Yenisabah.az xəbər verir ki, bu barədə İcra Hakimiyyətindən məlumat verilib.
Məlumatda bildirilir ki, icra hakimiyyəti hazırda Laçın rayon sakinlərinin hansı ərazidə və hansı şəraitdə məskunlaşdığını araşdırır:
"Qaçqın və Məcburi Köçkünlərin işləri üzrə Dövlət Komitəsi ilə birlikdə Laçın sakinlərinin sayı və yaşayış yeri dəqiqləşdirilir. Müəyyənləşdiririk ki, hazırda hər kənddə neçə ailə var və harada yaşayır. Hazırda rayon polis şöbəsi işğaldan azad olunan əraziyə köçürülüb, postlar müəyyənləşdirilir".
İcra Hakimiyyətindən qeyd ediblər ki, artıq Laçın şəhərinin girişi üçün xüsusi lövhə də hazırlanıb: "Yaxın günlərdə lövhə Laçın şəhərinin girişində, Laçın dəhlizində yerləşdiriləcək".
"Ermənistanın hakimiyyət nümayəndələri özlərini alçaltmaqdan – hər məsələyə görə Moskvaya yalvarmaqdan yorulmadılar. Baş nazir Nikol Paşinyan müharibə günlərində Rusiya prezidenti Vladimir Putini telefon zəngləri ilə bezdirmişdi, indi də Ermənistan prezidenti Armen Sarkisyan növbəyə dayanıb. Sarkistan bu gün Putinə məktub göndərib".
Yenisabah.az xəbər verir ki, bu fikirləri Atlas Araşdırmalar Mərkəzinin rəhbəri politoloq Elxan Şahinoğlu Ermənistan prezidenti Aremen Sarkisyanın Rusiya prezidenti Vladimir Putinə göndərdiyi məktubu şərh edərkən deyib.
"Məktubun mahiyyəti budur ki, Sarkisyan Putinin Ermənistanla Azərbaycan arasında sərhədin müəyyənləşməsində yardım etməsini istəyir. Sarskiyan məktubunda müharibənin dayandırılmasına görə Putinə bir daha minnətdar olduğunu yazaraq sərhəd məsələsini də toxunub: “Təəssüf ki, Ermənistanla Azərbaycan arasında sərhədin müəyyənləşməsində təhlükə yaradacaq mübahisələr yaranıb. Yeni gərginlik ocağının yaranmaması məqsədilə Sizin köməyinizə ehtiyacımız var”.
Bir dəfə güzəştə gedib Rusiya sülhməramlılarının bölgədə yerləşməsinə razılıq verdik, sərhəd məsələsinə üçüncü dövlətin qarışmasına imkan verməməliyik. Ermənilər işğal altındakı əraziləri itirdilər, indi də sərhəddən nəsə qoparmağa çalışırlar. Buna imkan verə bilmərik", - deyə E.Şahinoğlu vurğulayıb.
Azərbaycan əsgəri Əsgəranın mərkəzində sərbəst hərəkət edir.
Yenisabah.az xəbər verir ki, bu barədə Əsgəran “icmasının rəhbəri” Hayk Şmiryan deyib.
Onun sözlərinə görə, Azərbaycan əsgərləri Əsgəran mərkəzindən bir kilometr kənardadır: “Onlar mərkəzdə mağazalara gəlir, sərbəst şəkildə alver edir”.
Qeyd edək ki, Əsgəran Xocalının qəsəbəsidir. Ermənilər Əsgərana şəhər desələr də, Azərbaycanın inzibati ərazi bölgüsündə bu adda şəhər yoxdur. Keçmiş Dağlıq Qarabağ Muxtar Vilayətinin tərkibində Əsgəran rayonu mövcud olub, lakin bu rayon 1991-ci ilin 26 noyabrında ləğv edilərək, Xocalı rayonunun tərkibinə verilib.
Bundan əvvəl ermənilər Azərbaycan əsgərinin Xankəndidə sərbəst gəzdiyi, mağazalardan alver etdiyi haqda məlumatlar yaymışdı.
Ermənilər bunu təəccüblə dilə gətirsələr də, burada qeyri-adi heç nə yoxdur. Çünki Azərbaycanın ərazi bütövlüyü bərpa olunub və adıçəkilən ərazilərdə ermənilər yaşasa da, Azərbaycana məxsusdur.
https://www.instagram.com/p/CIigTQwHR71/?igshid=uiovziwinanc“Başda Rusiya olmaqla, az qala bütün dövlətlərin Türkiyənin bu regiona daxil olmasına qarşı çıxdığını görürük. 44 günlük marhibə dövründə ayrı-ayrı dövlətlərdən verilən bəyanatlar da göstərir ki, Türkiyənin bu prosesdə iştirakında maraqlı olmayan kifayət qədər qüvvə var. Lakin Azərbaycan ordusunun Qarabağda uğurlu hərbi əməliyyatlar aparması və Türkiyənin Cənubi Qafqazdakı mövcudluğu Rusiyanı vadar etdi ki, Monitorinq Mərkəzində rus və türk hərbçiləri atəşkəsə birgə nəzarət etsinlər”.
Yenisabah.az “Bakı” politoloqlar klubunun rəhbəri Zaur Məmmədovun müsahibəsini təqdim edir.
– Almaniya hərbçilərinin Aralıq dənizində müdaxiləsindən sonra növbəti bir Türkiyə gəmisi Liviya sahillərində qiyamçı Haftar qüvvələri tərəfindən saxlanılıb. Bir tərəfdə Fransa və Yunanıstan da Türkiyəni açıq dillə təhdidlərini davam etdirir. Türkiyənin baş verənlərə cavabı nə olacaq, gərginlik öz məcrasından çıxa bilərmi?
– Bütün tərəflərdən, bütün cəbhələrdən Türkiyəyə qarşı təhdidlərin şahidiyik. Təəssüflər olsun ki, istər Yaxın Şərqin ərəb ölkələrindən, istərsə də Qərbi Avropa dövlətlərindən Türkiyəyə düşmən münasibət var. Ankaranın artıq regional güc olması, öz geosiyasi ambisiyasını daha böyük ərazilərdə nümayiş etdirməsi Fransa başda olmaqla, Qərbi Avropa dövlətlərini ciddi narahat edir.
Həmin dövlətlər koalisiya quraraq Ankaraya qarşı mübarizə aparmaq niyyətlərini ortaya qoyurlar. Amma bunun uğurlu alınacağını düşünmürəm

Видео Əsas xəbərlər 09.12.2020 (Xəbər Saatı) Ermənilər Zəngəzuru İTİRƏCƏK! - ŞOK FAKT! канала Musa Media