Yekun xəbərlər 07.12.2020 (Xəbər Saatı) Qarabağdan növbəti ŞAD XƏBƏR!

Ermənistanın Baş naziri Nikol Paşinyan “Meğri dəhlizi”ndən danışıb. Yenisabah.az xəbər verir ki, Paşinyan Bakı, Moskva və İrəvan arasında imzalanmış üçtərəfli bəyanatda “Meğri” və “dəhliz” sözləri yoxdur.
“Bəyanatda “dəhliz” sözü yalnız Laçınla bağlı hissədə keçir. Meğriyə gəldikdə, burada “dəhliz” anlayışı yoxdur. Ancaq başqa bir məsələ var – nəqliyyat infrastrukturunun blokadadan çıxarılması. Gələcəyə baxmaq istəyiriksə, iqtisadi həyatda yeni amillərin yaranma ehtimalı barədə düşünməliyik.
Ermənistan-Rusiya və Ermənistan-İran dəmir yolunun bərpası iqtisadiyyatımızda əhəmiyyətli dəşikliyə səbəb olacaqmı? Məncə, bəli. Məsələyə bu kontekstdə yanaşsaq, görərik ki, mənzərə fərqlidir. Ancaq indi həll etməli olduğumuz daha vacib məsələlər var”, - deyə Paşinyan əlavə edib.
Baş nazir bildirib ki, hazırda Ermənistan-Azərbaycan sərhəddində hər hansı gərginlik yoxdur. “Müharibədən sonra əsgərlərin yaşayış şəraiti ilə bağlı bəzi problemlər ortaya çıxıb. Hökumət hazırda bu problemin həlli ilə məşğuldur”, - deyə o qeyd edib.
Paşinyan “Megri dəhlizi” barədə deyilənləri əslində bir qədər fərqli formada təqdim edib.
Baş nazirin sözlərindən belə anlaşılır ki, İrəvan Ermənistan-Rusiya və Ermənistan-İran dəmir yol xəttinin bərpasına çalışır. Bu halda Naxçıvanla Azərbaycan arasında da quru yolunun açılması gündəmə gələcək ki, bu da Meğri vasitəsilə həyata keçirilə bilər.
Digər tərəfdən, üçtərəfli sazişdə SSRİ dövründəki sərhədlər əsas götürülür. Eyni zamanda həmin dövrdəki kommunikasiya xətlərinin bərpa olunması nəzərdən keçirilir. Həmin dönəmdə isə Meğri Naxçıvanla Azərbaycanı birləşdirən dəhliz rolunu oynayıb. Yeri gəlmişkən, bu Muxtar Respublika ilə Azərbaycan arasını birləşdirən yeganə dəhlizdir.
Beləliklə, Paşinyan faktiki dolayısı ilə bu məsələnin nəzərdən keçirildiyinə eyham edib.
Hüquq-mühafizə orqanlarının əməkdaşları Cəlilabad rayon İcra Hakimiyyətinin binasında xüsusi əməliyyat keçirir.
“Yeni Sabah” xəbər verir ki, əməliyyat zamanı Cəlilabad rayonunun icra başçısı Namiq Zeynalov və digər vəzifəli şəxslər saxlanılıb. 
Qeyd edək ki, Namiq Zeynalov 2018-ci ilin fevralın 6-da Cəlilabad rayonunun İcra Hakimiyyətinin başçısı təyin edilib.
Qarabağ döyüşlərində ölən və itkin düşənlərin axtarışları davam rtdirilir.
Yenisabah.az xəbər verir ki, Azərbaycan, Ermənistan, Rusiya sülhməramlıları və Beynəlxalq Qırmızı Xaç Komitəsinin əməkdaşlarından ibarət axtarış qrupları fəaliyyətini davam etdirir.
Axtarış qruplarının Şuşa və Ağdərə istiqamətində əməliyyatlarları başa çatdırdığı, erməni hərçbilərin döyüş meydanında qalan meyitlərinin toplandığı xəbər verilir.
Hazırda Xocavənd və Hadrut istiqamətində axtarışlar aparılır.
İkinci Qarabağ müharibəsində Füzulinin azad olunması istiqamətində döyüşlərdə şəhid olan Kürdəmir rayonunun Stansiya Karrar qəsəbəsinin sakini Zülfüqarov Məlik Kamran oğlunun anası örnək addım atıb.
Şəhidin anası Yeganə Adilova deyib ki, o şəhid üçün dövlət tərəfindən ayrılan vəsaiti Silahlı Qüvvələrə Yardım Fonduna bağışlayıb.
Yeganə Ədilova 10 min manat məbləğində birdəfəlik yardımın Vətənimizin keşiyində duran əsgər və zabitlərə xərclənməsini daha düzgün hesab edərək, şəhid ailələrinə göstərilən diqqət və qayğı üçün dövlət başçısına da təşəkkür edib.
Evin tək oğlu olan Məlik Böyük Vətən Müharibəsinin ilk günlərindən ön cəbhədə döyüşüb.
Torpaqlarımızı azad etmək uğrunda qəhrəmanlıqla şəhid olub.
19 yaşlı şəhidimiz 21 oktyabrda doğulduğu qəsəbədə torpağa tapşırılıb
Azərbaycanda sabaha gözlənilən hava şəraiti açıqlanıb.
Milli Hidrometeorologiya Xidmətindən Publika.az-a verilən məlumata görə, dekabrın 8-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, gecəyə doğru bəzi yerlərdə çiskinli olacağı gözlənilir. Şimal-şərq küləyi əsəcək.
Havanın temperaturu Bakıda və Abşeron yarımadasında gecə 4-6, gündüz 7-9 dərəcə isti olacaq. Atmosfer təzyiqi normadan yüksək 772 mm civə sütunu, nisbi rütubət gecə 70-80, gündüz 50-55 faiz təşkil edəcək.
Dekabrın 8-də Azərbaycanın rayonlarında arabir yağış, dağlıq ərazilərdə qar yağacağı, gündüz əsasən yağmursuz keçəcəyi gözlənilir. Ayrı-ayrı yerlərdə duman olacaq, şərq küləyi əsəcək.
Havanın temperaturunun gecə 0-5, gündüz 6-9 dərəcə isti, dağlarda gecə 3-8 dərəcə şaxta, gündüz 3 dərəcə şaxtadan 2 dərəcəyədək isti olacağı gözlənilir.
Tibbi-meteoroloji proqnoza gəlincə, dekabrın 8-də Abşeron yarımadasında iqlim normasına yaxın temperatur rejimi, meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Видео Yekun xəbərlər 07.12.2020 (Xəbər Saatı) Qarabağdan növbəti ŞAD XƏBƏR! канала Musa Media