Yekun xəbərlər 09.12.2020 (Xəbər Saatı) Qarabağdan növbəti SENSASİON XƏBƏR!

Ermənistan müxalifətinin baş nazirliyə namizəd irəli sürdüyü Vazgen Manukyan xalqa müraciət edib.
Publika.az xəbər verir ki, müxalifətin hazırda apardığı hərəkat erməni xalqını məğlubiyyət damğasından xilas etmək üçün hazırlanmış ləyaqət hərəkatıdır.
O, paytaxt İrəvan və digər bölgələrdə baş nazir Nikol Paşinyanın istefa tələbi ilə keçirilən etiraz aksiyalarını təhlükəsizlik, ləyaqət və gələcək üçün aparılan ləyaqətli mübarizə adlandırıb.
Manukyan mövcud rejimin lideri ilə birlikdə niyə getməli olduğunun artıq izaha ehtiyac olmadığını söyləyib: "Rüsvayçı təslim olandan sonra başqa bir şey ola bilməz. Xalqın dəstəyi ilə müxalifət yeni milli razılıq hökuməti quracaq, aktual məsələlərlə məşğul olacaq, yeni seçkilər hazırlayacaq․ Mövcud siyasi böhranda parlamentin sabitləşdirici rolunu vacib hesab edirəm. Sarsıntılar istəmirik. İctimai həmrəyliyə ehtiyacımız var. Nifrət və zəhərli atmosfer keçmişdə qalmalıdır".
O, hüquq-mühafizə orqanlarını məğlub hökumətin əlində siyasi alətə çevrilməməyə çağırıb.
Qeyd edək ki, Qarabağla bağlı atəşkəs razılaşmasına etiraz olaraq Nikol Paşinyanın hökuməti ilə birgə istefası tələbi ilə 17 müxalifət partiyası 10 noyabrdan bəri etiraz aksiyaları keçirir.
Vazgen Manukyan bu açıqlaması ilə hakimiyyətə gəlməmişdən ilk tarixi səhvini buraxmış oldu. Hər bir erməni kimi o da anlamır və anlamaq istəmir ki, Rəşadətli Azərbaycan Ordusunun Qarabağı işğaldan azad etmək uğrunda apardığı hərəkat Ermənistanın tarixi məğlubiyyəti ilə başa çatıb və dünya hərb tarixinə düşən əməliyyatlarla əsrlərlə yaddaşlarda yaşayacaq. Buna görə də nə Ermənistan "məğlubiyyət damğası"ndan xilas ola biləcək, nə də Qarabağın reallıqları unudulacaq.
DTX rəisi, general-polkovnik Əli Nağıyevin Dağlıq Qarabağdan yeni fotoları yayılıb. “Yeni Sabah” xəbər verir ki, həmin fotolarda o, Dağlıq Qarabağdakı Rusiya Sülhməramlı kontingentinin rəhbəri, general-leytenant Rüstəm Muradovla bərabərdir. Ehtimal olunur ki, DTX rəisi Şuşadan sonra Dağlıq Qarabağa daha bir səfər həyata keçirib.
Ona görə də fotoların çəkildiyi ərazi barədə dəqiq bilgi verə bilmirik. Bəzi ehtimallara görə, fotoların çəkildiyi məntəqə Laçın rayonu ərazisidir. Əlavə dəqiqləşdirmə edəcəyik.
Dekabrın 10-da gözlənilən hava şəraiti açıqlanıb.
Milli Hidrometeorologiya Xidmətindən Yenisabah.az-a verilən məlumata görə, dekabrın 10-da  Bakıda və Abşeron yarımadasında buludlu hava şəraitinin üstünlük təşkil edəcəyi, havanın əsasən yağmursuz keçəcəyi gözlənilir. Şimal-şərq küləyi əsəcək.  
Havanın temperaturu Bakıda və Abşeron yarımadasında gecə 2-4, gündüz 6-8 dərəcə isti olacaq. Atmosfer  təzyiqi normadan yüksək 774 mm civə sütunu, nisbi rütubət  60-70 faiz təşkil edəcək.  
Dekabrın 10-da Azərbaycanın rayonlarında arabir yağış, dağlıq və dağətəyi rayonlarda qar yağacağı, gündüz  tədricən kəsiləcəyi gözlənilir. Ayrı-ayrı  yerlərdə duman olacaq, şərq küləyi əsəcək. 
Havanın temperaturu gecə 1-4, gündüz 5-8 dərəcə isti, dağlarda gecə 5-10, gündüz 0-4 dərəcə şaxta olacaq.   
Tibbi-meteoroloji proqnoz
Dekabrın 10-da Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.
Rusiya Beynəlxalq Araşdırmalar İnstitutunun baş elmi işçisi, Qafqaz üzrə ekspert Vadim Muxanov Qarabağda yaranmış situasiyaya toxunub.
Yenisabah.az xəbər verir ki, ekspert Qarabağda yaxın dövrdə sülhün davamlı olacağını düşünür. Onun fikrincə, Azərbaycan azad edilmiş ərazilərdə infrastuktur qurmaq üçün vaxta ehtiyac duyur. Digər tərəfdən, müharibəni uduzmuş Ermənistan hərbi potensialını itirib.
“Razılaşma icra olunur. Atəşkəs rejimi pozulmur. Yaxın perspektivdə Ermənistan, Rusiya və Azərbaycan liderlərinin üçtərəfli razılaşması icra olunacaq. Azərbaycan işğaldan azad olunmuş böyük ərazilərlə bağlı məsələləri həll etməlidir. Buraya məcburi köçkün məsələsi və s. daxildir”.
Muxanov Ermənistanın durumunu da təsvir edib.
“Razılaşma təbii ki, Ermənistanı qane etmir. Amma onun revanş üçün nə hərbi resursları, nə də imkanları var. Qarabağ məğlubiyyətinə görə, Ermənistanda ciddi daxili problemlər yaşanır. İlk növbədə bu problemlərin həll olunması önə çıxıb. Paşinyan və komandası üçün əsas hədəf hakimiyyətdə qalmaqdır”.
Modern.az-ən yazdığına görə, ekspert gələn ildən başlayaraq, münaqişə bölgəsində hərbi gərginliyin artacağını istisna etməyib.
Azərbaycan Respublikasında koronavirus (COVID-19) infeksiyasına 4 403 yeni yoluxma faktı qeydə alınıb, 2 919 nəfər müalicə olunaraq sağalıb və evə buraxılıb.
Nazirlər Kabineti yanında Operativ Qərargahdan Yenisabah.az verilən məlumata görə, COVID-19 üçün götürülən analiz nümunələri müsbət çıxmış 42 nəfər vəfat edib

Видео Yekun xəbərlər 09.12.2020 (Xəbər Saatı) Qarabağdan növbəti SENSASİON XƏBƏR! канала Musa Media