Заңсыз дәрі сатқандар анықталды

Ақтөбеде заңсыз дәрі-дәрмек сатқандар анықталды. Олар әлеуметтік желі арқылы медициналық препараттарды өз құнынан қымбатқа саудалаған. Рейд кезінде тағы 31 жастағы ер адам мен 26 жастағы бойжеткен анықталып, полиция бөліміне жеткізілген. Ер адамнан 60 ампула "Ингаверин", 300 ампула "Цефтриаксон", 29 ампула "Дексамезон" тәркіленген. Ал қыздан 50 ампула "Цефазалин", 3 ампула "Азитрамицин" табылған. Барлық деректер бойынша тексеру жұмыстары жүргізіліп жатыр. Қазір қалада 292 дәріхана жұмыс істесе, оларды 15 дәріхана қоймасы қажетті препараттармен қамтамасыз етіп отыр. Ақтөбеліктердің жаппай пневмонияға шалдығуынан дәрілерге сұраныстың күрт өсіп, тапшылық пайда болды. Тұрғындар ең болмаса ыстықты түсіретін дәрілерге тапшылық болмау керек деген пікірде. Ал мамандар дәрілік заттарды бөлшек саудада шекті бағасынан асырмау керектігін ескертеді. Ал медициналық препараттарға министрлік бекіткен бағаларды DariKz қосымшасынан білуге болады. Сайт телеканала http://www.rikatv.kz/ Twitter https://twitter.com/rika_kz Вконтакте https://vk.com/rikatv

Видео Заңсыз дәрі сатқандар анықталды автора Irresistible Indulgences