Ош шаарынын мэриясы ипотекалык негизде 9 кабаттуу үй кура баштады

Ош шаарында 9 кабаттуу 80 батирден турган ипотекалык үйдүн курулушуна капсула салынды. Капсула салуу иш-чарасына Ош шаарынын мэри Таалайбек Сарыбашов, шаардык кеңештин төрагасы Жапарбек Ормонов, шаардык кеңештин депутаттары жана тиешелүү жетекчилер катышты.

Калаа башчысы мэрия тарабынан алгачкы жолу ипотекалык негизде көп кабаттуу үй курулуп жатканын айтып, экинчи көп кабаттуу үйдүн да курулушу жакынкы айларда баштала турганын билдирди.

Үйдүн курулушу бүткөндөн кийин батирлерди бөлүштүрүү жана берүү боюнча атайын комиссия түзүлөт.

Курулушу башталган ипотекалык үй ипотекалык программаны реализациялоодон түшкөн каражатка салынууда.
Тактап айтканда, Ош жана Жалал-Абад шаарларын калыбына келтирүү боюнча мамлекеттик дирекциясы курган үйлөрдөн артып калган батирлерди ипотекага берүүдөн түшкөн каражатка курула баштады.
80 батирдин ичинен 1 бөлмөлүү-32 батир, 2 бөлмөлүү-32 батир, 3 бөлмөлүү-16 батир болот.
Жер төлөөсүнө автоунаа токтотуучу жай курулат.

Видео Ош шаарынын мэриясы ипотекалык негизде 9 кабаттуу үй кура баштады канала Osh Meriya