Шудағы көкпар.

Үстіміздегі жылы Қазақстан Республикасының Президенті "Рухани жаңғыру" бағдарламасының жалғасын жазған болатын. Міне осы бағдарлама аясында Елбасы Нұрсұлтан Назарбаевтың "Ұлы даланың жеті қыры" атты мақаласы жарияланған. Бұл мақалада атқа міну мәдениеті мен жылқы шаруашылығы жер жүзіне Ұлы даладан тарағаны туралы тоқталған болатын. Бабаларымыз шапқан аттың үстінен садақ тарту, көкпар, бәйге шабуды барынша жетік игерген. Осындай бағытты ұтымды пайдалана білген Жамбыл облысы әкімдігінің дене шынықтыру және спорт басқармасының басшылығымен облыстық ұлттық ат спорты түрлері федерациясының ұйымдастыруымен Қазақстан Республикасының тұңғыш Президенті күніне орай ұлттық ат спорты көкпардан Шу ауданының ашық турнирі болып өтті. Бұл айтулы көкпардың мақсаты ұлттық спортты дамыту арқылы салауатты өмір салтын насихаттау, ата – бабамыздың ізгі салт – дәстүрін, баға жетпес қазынасын дәріптеу болып табылады. Екі күнге созылған көкпардың ашық біріншілігіне облыс көлемінен 20 команда қатысып бақтарын сынады. Меркі, Мойынқұм, Луговой,Шу аудандарының көкпаршылары өз араларында ережеге сәйкес ойын өрнектерін тартымды өткізді. 2017 жылы Меркі ауданынан қабылдап алған ауыспалы кубокты Шулықтар өз дәрежесінде өткізіп оны Қордай ауданының көкпаршыларына табыстады. Бұл атаулы турнирге Қазақстан Республикасының көкпардан ұлттық құрама командасының бас бапкері Қуанышбек Құрамаев және Шу ауданының әкімі Қайрат Досаев қатысып құттықтау сөз сөйлеп спортшыларға табыс тіледі. Финалдық ойындарда алдыңғы орынға иеленген командалар кубоктар, медальдармен марапатталды. Атап айтсақ 1 – орынды Меркі ауданы Тәтті ауылынан келген команда иеленсе, 2 – орынды Шу ауданының «Аманат» командасы, ал 3 – орынды Шулық Жаңа жол ауылының көкпаршылары ал 4 – орын Меркі «Ақтоған» 5- орын Қордай командасының көкпаршылары алды.

Видео Шудағы көкпар. канала Жумахан Чекаев