Саттар Естемесовтың 100 жылдығына арналған көкпар.

Шу өңірі – шұғылалы шуақ пен алтын нұрға бөленген айрықша аймақ. Осындай ерекшеліктетінің өзі – ақ жер біткеннің жәннәті екенін танытады. Көздің жауын алатын алуан гүлдердің жұпар иісі кеудені керіп, тал бойыңды тербейтіні де анық.Осы өңірді желмаясымен желіп жүріп, көп ойға қалған Асанқайғы бабамыздан «Құшағыма сыймайтын жер екенсің, әттең шіркін, өзіммен ала кетуге шамам жетер емес, елдің бағы мен құты екенсің» - деген аңыз әңгіме қалған.
Сайран салған сар дала — Сарбұлағым,
Өзіңменен өзектес жан шуағым.
Боздақтарың аттанып қан майданға,
Сыңсып тұрған шығар-ау бар құрағың.
Ертеректе Қожай елі Сарыбұлақтың бойын жағалай қоныстаған екен. Естемес атаның қыстауы Сарыбұлақтың басындағы бірінші бұрылыс.
Қиын заман басталып, Естеместің туыстары Шамалғанға қоныс аударса да, олар жерінен жылжымады. Естеместі халық «боз молда» деп атаған. Сырқат балаларға тәспісін оқып, түкіріп жатса сырқатынан айығып кететін. Ел болып киелі кісі деп алғысын жаудырып жатты. Бойы ұзын, сарғыш, рәңді кісі болған. Естемеске үш ұлының кенжесі Саттар ғана ұқсаушы еді. Биліктің құзыретін әділдікпен пайдалана білген Естеместің тағдыр жолы да тағлымы мол екендігін еске алғанда жөн.
Тегіне тартып туған Саттардың жастайынан жалындап өсуі де бекер емес. Ағайынды Саттар, Әлімқұл Естемесовтердің майданға өз еркімен сұранып аттанғанының өзі бір ерлік. 1942 жылдың маусым айында Сарыбұлақ ұжымшарының жастары Жаршапқанға канал қазуға барады. Ауданнан әскери комиссариаттан адамдар келіп, бүгінгі күнге 5 жігіт әкететінін айтады. «Барамын» деп алдыға шыққандардың қатарында Саттар да болады.
Саттар өжет, тік мінезді, өтірікті жаны сүймейтін, қаталдау жігіт еді. Жары Әсемкүлмен жыл бірге отасса да, перзент көре алмады. Қайғы үстіне қайғы жамап, соғысқа баратынын отбасына жеткізеді. Ауылдан 5 жігітті туыстары таң бозара шығарып салады. Олар: Естемесов Саттар, Көшімбаев Алдашбек ,Оспанов Сабыр, Әміров Нұрахмет, Текебаев Айтмахан болатын.
Онда Мәскеуден келген әскери адамдар да келген екен. Ержүрек Саттар Естемесов 1943 жылы 14 қыркүйекте Коноплянка деревнясы үшін шайқаста дұшпанының қолынан қаза тапқандығын жеткізеді. Командованиенің жауынгерлік тапсырмасын ойдағыдай орындап, батырлық пен ерлік көрсеткені үшін СССР Жоғарғы Кеңесі Президиумының 1944 жылы 4 маусымындағы Жарлығы бойынша сержант Саттар Естемесовке қаза болғаннан кейін Кеңеснодан үзінді. Одағының батыры атағы берілгенін, Смоленск облысы Коноплянка деревнясында жерленгенін хабарлайды. Ондаған ұрысқа қатысқан Саттар, өз пулеметінен дәлдеп атып, дұшпанын жер жастандырады да, өзінің үздік пулеметші екенін көрсетіп, 1942 жылдың аяғына дейін Саттар екі рет госпитальға түскенін, 1943 жылдың тамыз айында 134-Вердинск атқыштар дивизиясының бөлімдері дұшпан қорғанысын бұзып өтіп, Смоленск облысының Перечитенск ауданындағы 261,1 шоқы маңында шабуыл ұрыстарын жүргізген екен.
1943 жылы 9 қыркүйекте Перечитенск ауданында Дольшино деревнясы түбінде болған ұрыста қазақ халқының данқты ұлы ерекше көзге түскенін, ұрыстарда көрсеткен ерлігі үшін «Ерлігі үшін» медалімен марапатталғанын айтты.
2000 жылы 6 мамырынан бастап Саттар Естемесовтың 80 жылдық тойына ат шаптырып, той жасалып келеді. Әруаққа құран бағыштап, жылқысын сойып, жылдағы турнирге қымыз-қуырдағын беруден ауылдас ағайындары қайтқан емес.
Отан үшін
От кешкен ер,
Саттар – батыр, жауынгер,
Ерлік жолы
Ұрпаққа үлгі
Мақтан тұтар
Туған ел.
Батыр атаны мектеп оқушыларының арасында ән-жырына қосып, халыққа дәріптеп, аңыз ғып, рухын көкке көтеріп жүрген ақын - сазгер әкпеміз Бақыт Исаеваның да әлі де қосары көп.
ҚР Парламенті Мәжілісінің депутаты Қожахан Жабағиев аудан әкімі болған тұста қазіргі «Болашаққа бағдар: рухани жаңғыру» атты бағдарламасының іс-қимылын сол кезде-ақ бастап, бірталай мәдени шараларды жүзеге асырды және өте орынды тірліктері көп көңілінен шықты деп айта аламыз. Соның бірі - Шу қаласындағы «Жеңіс» саябағына жерлесіміз Саттар Естемесовтің атын беріп, батыр тұлғасына көрнекті ескерткіш орнатқаны дөп істелген шаруа болды.

Видео Саттар Естемесовтың 100 жылдығына арналған көкпар. канала Жумахан Чекаев