Азия чемпионаты/финал Айпери Медет кызынын атаандашы 11 жашка улуу

Ушул күндөрү Индиянын Нью-Дели шаарында күрөш боюнча Азиянын чемпионаты өтүп жатат. Анын алкагында бүгүн, 20-февралда Айпери Медет кызы 76 кг чейинки салмак даражада финалга чыккан. Финалдагы атаандашы да белгилүү болду.

Бул салмак даражада жалпы 7 спортчу бар болчу.

Айпери алгач өзбекстандык спортчуну утуп, андан кийин дүйнөнүн вице-чемпиону болгон япониялык Хиро Минагава Сузукиден утулуп калган. Жыйынтыгында кыргызстандык балбан кыз тобунда 2-орунду ээлеп, жарым финалда Казактандын атынан чыккан Элмира Сыздыкованы (Кыргызстанда төрөлгөн) утуп алган.
Ал эми финалда кайрадан Япониянын балбан кызы менен беттешмей болду. Бишкек шаарынын убактысы боюнча саат 18:30да финалдык бөлүк башталат.

21 жаштагы Айперинин атаандашы — 32 жаштагы Минагава Сузуки. Экөө буга чейин 5 жолу беттешип, беш жолу тең япониялык спортчу жеңишке жеткен.

Видео Азия чемпионаты/финал Айпери Медет кызынын атаандашы 11 жашка улуу канала KABAR KG