Тажикстандын аймагында жер титиреди

Тажикстандын аймагында күчү 7 баллга жеткен жер титирөө катталып, Ош, Баткендин аймактарында сезилди. Бул тууралуу бүгүн, 25-январда Өзгөчө кырдаалдар министрлигинин басма сөз кызматынан билдиришти.
.
Маалыматка ылайык, жер титирөө 24-январда саат 13:09да болгон. Жер титирөө Ош облусунун Чоң-Алай районунун Карамык, Кара-Тейит айылдарында 4 балл, Баткен облусунун Баткен шаарында 3 балл, Кызыл-Кыя шаарында 2,5 баллга чейин сезилди. Андан жабыркагандар жана кыйроолор катталган жок.

Түркияда катуу жер титирөөдөн улам 19 киши каза болуп, 772 киши ар кандай жаракаттарды алды. Бул тууралуу чет элдик басылмалар жазды.

Маалыматка ылайык, кечээ, 24-январда Сивриджеде күчү 6,8 баллга жеткен жер титирөө катталган. Ал эми буга чейин Түркиянын бийлиги Элязыг жана Малатья аймагында катталган жер титирөөдөн 18 адам каза болуп, 553 киши жаракат алганын кабарлаган. “Кырсык болгон жерде өлкөнүн Өзгөчө кырдаалдар министрлигинин 493 куткаруучу тобу жапырт иштеп жатат. Жер титирөө катталган аймакка 1 689 даана чатыр орнотулду”, – деп айтылат маалыматта.

Видео Тажикстандын аймагында жер титиреди канала KABAR KG