100 ton bal arıçıların əlində qalıb - Baku TV

100 ton bal arıçıların əlində qalıb - Baku TV

Astara ölkəmizin ən böyük arıçılıq rayonu sayılır. Burada hər 100 evdən təxminən 80-də arı saxlayırlar. Rayonda 1200 nəfərdən çox arıçı, 30 minə yaxın arı ailəsi var. Bu günlərdə arıçılar may balının süzümünə başlayıblar. Hər arı ailəsindən 20 kq bal məhsulu götürmək olur.
Arıçılar məhsulun bolluğuna bir tərəfdən sevinsələr də, digər tərəfdən bu qədər məhsulu necə satacaqlarının dərdini çəkirlər.

Elə Miki kəndinin arıçılarının da əsas istəkləri sərgi-satış mərkəzlərinin təşkil olunmasıdır. Keçən ildən bu yana əksər arıçılar məhsulun yarısını sata bilməyib. Bu isə ümumilikdə 100 tona yaxın bal deməkdir.

Rayonda arı ailələrinin sayı ilbəil artır. Bunun əsas səbəblərindən biri də dövlət tərəfindən hər arı ailəsinə görə subsidiyanın verilməsidir. Bu da arıçıların işini daha da yaxşılaşdırmaqla yanaşı, təsərrüfatlarını genişləndirməyə imkan yaradır. Lakin əvvəlki illərdə məhsullarının bir qismini satdıqları Bakıda keçirilən sərgi-satış yarmarkaları mövcud pandemiya şəraitinə görə təşkil olunmur. Nəticədə arıçılar məhsullarını satışa çıxara bilmirlər.
İl ərzində iki dəfə - iyun və sentyabr aylarının əvvəllərində bal süzümü olur. Mövcud duruma əsasən arıçılar istehsal etdikləri məhsulu sifarişlər əsasında daimi müştərilərinə satırlar. Balın 1 kiloqramı 20-25 manata təklif edilir.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео 100 ton bal arıçıların əlində qalıb - Baku TV канала Baku TV