Düşmən təxribatlarına “Qətiyyətli cavab”

2 ilə yaxındır ki, sülh prosesini hər vasitə ilə yubatmağa çalışan, sərhədlərin delimitasiyası və demarkasiyası ilə bağlı heç bir əməli fəaliyyət sərgiləməyən Ermənistanın 12-14 sentyabr tarxlərindəki növbəti təxribatının qarşısı “Qətiyyətli cavab” əməliyyatı ilə alındı. Şanlı ordumuz düşmənə sarsıdıcı zərbələr endirdi, istər texniki, istərsə də şəxsi heyət baxımından çoxsaylı itkilərə məruz qaldı, düşmənin 53 döyüş mövqeyi, strateji əhəmiyyətə malik xeyli sayda hakim yüksəkliklər nəzarətə götürüldü, Ermənistanın sərhədyanı bölgədəki hərbi infrastrukturu məhv edildi. Əməliyyat çərçivəsində Ermənistan silahlı qüvvələrinə məxsus Gorus rayonu və Novruzlu yaşayış məntəqəsi istiqamətlərində 2 ədəd S-300 raket kompleksinə aid radarlar, 3 ədəd S-300 buraxıcı qurğusu, Basarkeçər rayonu və Aşağı Qaranlıq yaşayış məntəqəsi istiqamətlərində isə 2 ədəd S-125 radarı, eləcə də xeyli sayda canlı qüvvəsi məhv edildi.
Düşmənin bu istiqamətdə Hava Hücumundan Müdafiə sistemi çökdürülüb. Həmçinin düşmənə məxsus 1 ədəd radioelektron mübarizə vasitəsi JİTEL, 20-dək ədəd top və haubitsa, 10-dan çox minaatan və 6-sı sursatla dolu olmaqla ümumilikdə 32 ədəd avtomobil texnikası sıradan çıxarılıb.
Bundan başqa Ermənistan silahlı qüvvələrinin bölmələrinə məxsus 1-i sursatla dolu olmaqla 3 ədəd KAMAZ, 1 ədəd URAL və 1 ədəd UAZ-3962 markalı avtomobil və 3 ədəd mühəndis texnikası, 3 ədəd minaatan, 1 ədəd “İqla-S” daşınan zenit-raket kompleksi, 135 ədəd müxtəlif avtomat, pulemyot, qumbaraatan, 20 qutu əl qumbarası, 2 ədəd optik cihaz, 2 ədəd rabitə vasitəsi və 14500-dən çox döyüş sursatı qənimət olaraq ələ keçirilib.
Ümumilikdə qarşı tərəfin 53 döyüş mövqeyi, 2 minaatan atəş mövqeyi, xeyli sayda hakim yüksəklik nəzarətə götürülüb, Zod istiqamətində yerləşən 538-ci əlahiddə dağatıcı briqadasının daimi dislokasiya məntəqəsi, 2 ədəd S-300 və 2 ədəd S-125 divizionlarının start mövqeləri darmadağın edilib. Ermənistan ordusunun Daşkəsən, Kəlbəcər, Laçın və Zəngilan istiqamətlərində bölmələrimizə qarşı törətdiyi təxribat nəticəsində baş verən qanlı döyüşlərdə Azərbaycan Ordusu 80 şəhid versə də, Ermənistan yüzlərlə hərbçisini itirdi. Müzəffər Ordu şəhidlərimizin qanını yerdə qoymadı. Ermənistan tərəfi bugunədək etirafına əsasən döyüşlər zamanı onların itkilrinin sayı 500 nəfəri keçib. Belə ki, Ermənistanın Baş naziri Nikol Paşinyan açıqlamasına əsasən sərhəddəki gərginlik nəticəsində 207 nəfər erməni əsgəri ölüb, , 2 nəfərin itkin düşüb, 293 nəfər yaralanıb, 20 hərbçi isə əsir düşüb.
Görünən odur ki, Azərbaycan bir daha göstərdi ki, öz haqlı mübarizəsini sonadək davam etdirəcək, hər hansı beynəlxalq təzyiqlərdən çəkinməyəcək və suverenliyimizi təhdid edən istənilən addıma anında cavab verəcək. Ermənistan nə qədər gec deyil bu biabırçı məğlubiyyətlərindən nəticə çıxarmalıdır. Ermənistan reallığı dərk etməlidir. Səbrimizlə oynamasınlar, Ali Baş Komandanın da daim vurğuladığı kimi – Dəmir yumruq yerindədir, bunu heç kim unutmasın!

Видео Düşmən təxribatlarına “Qətiyyətli cavab” канала Azerbaijan Realities