Қишлоқ хўжалиги ерлари фойдаланувчиларнинг ҳуқуқлари ва кафолатларига бағишланган брифинг

2021 йилнинг 4 март куни Бизнес-омбудсман девонининг етакчи инспектори Чориев Ўктам АОКА томонидан ташкил этилган брифингда иштирок этиб, қонунчиликда қишлоқ хўжалиги ерлари фойдаланувчиларнинг белгиланган ҳуқуқлари борасида сўз юритди.

Асосий урғу қуйидаги масалаларга берилди:
-қишлоқ хўжалигига мўлжалланган ер майдонларини ажратиш мезонлари;
-ижарага бериладиган ер участкаларининг ўлчами;
-ижара шартлари ва муддатлари;
-бошқа масалалар.

Шу билан бирга, брифингда фермер хўжаликларининг ҳуқуқларини тиклашга қаратилган чоралар борасида сўз юритилди. Хусусан, Бизнес-омбудсманга 2020 йилда фермер хўжаликлари ва бошқа қишлоқ хўжалик корхоналаридан ер участкаларини қонунга зид равишда олиб қўйиш ҳолатлари юзасидан 511 та мурожаат келиб тушди.

Вилоятлар кесимида мазкур масалада энг кўп мурожаатлар Тошкент вилояти (103 та), Сурхондарё (57 та), Самарқанд (52 та) вилоятларидан келиб тушганлиги аниқланди.

Эслатиб ўтамиз, Бизнес-омбудсман томонидан доимий равишда тадбиркорларнинг мулк-ҳуқуқларини бузган мансабдор шахсларни жавобгарликка тортиш ва тадбиркорларнинг ҳуқуқларини тиклаш борасида ишлар амалга оширилади.

Видео Қишлоқ хўжалиги ерлари фойдаланувчиларнинг ҳуқуқлари ва кафолатларига бағишланган брифинг канала Biznes Ombudsman Uz