ՆԻԿՈԼ ՓԱՇԻՆՅԱՆԻ ՀԱՐՑԱՔՆՆՈՒԹՅԱՆ ՀԱՄԱՐ ԱՆՀՐԱԺԵՇՏ ՀԱՐՑԵՐԸ (ՄԱՍ 2)

ՆԻԿՈԼ ՓԱՇԻՆՅԱՆԻ ՀԱՐՑԱՔՆՆՈՒԹՅԱՆ ՀԱՄԱՐ ԱՆՀՐԱԺԵՇՏ ՀԱՐՑԵՐԸ (ՄԱՍ 2)

Շարունակում եմ հրապարակել քննիչներին տրամադրված այն հարցերը, որոնք միջնորդել ենք տալ Նիկոլ Փաշինյանին:
Այսօր հրապարակելու եմ ևս 15 հարց: Շարունակելի:
12. 2020թ. սեպտեմբերի 23-ին, արդյոք գլխավոր շտաբի պետ Օնիկ Գասպարյանը տվել է բացազատվելու (մարտական վիճակի) հրաման, թե՝ ոչ (երբ է տրվել), և զեկուցվել է ձեզ այդ մասին:
13. Արցախի պաշտպանության բանակի հրամանատար Ջալալ Հարությունյանը 2020թ. սեպտեմբերի 25-ին արդյոք չի իմացել Ադրբեջանի հնարավոր հարձակման մասին, ով է նրան հայտնել, և եթե իմացել է, ինչու է Արցախի զորամասերը մնացել ստացիոնար (ոչ բացազատված) վիճակում: Դա ձեր գիտությամբ է արվել:
14. 2020թ. սեպտեմբերի 24-ին մամուլում հրապարակվել է «Գաղտնի բանակցություններ՝ Նիկոլ Փաշինյանի և Իլհամ Ալիևի էմիսարների միջև․ գաղտնազերծում է Բաքուն՝ տալով անուններ» հոդվածը, որը հղում կատարելով ադրբեջանական haqqin.az-ի լրատվական կայքին Ադրբեջանի և Հայաստանի ղեկավարների միջև տեղի ունեցած գաղտնի բանակցությունների վերաբերյալ նշել է՝ «Արսեն Խառատյանի խոսքերի համաձայն, Փաշինյանն ապագայի համար երաշխավորում էր Լեռնային Ղարաբաղին ժամանակավոր կարգավիճակի տրամադրման դիմաց ևս երկու շրջանի «դեոօկուպացիա»․ ...»: Ինչ կասեք, այս նյութի մասին: Արդյոք դուք Արսեն Խառատյանին լիազորել եք բանակցելու ադրբեջանական ներկայացուցչի հետ և ինչ մանրամասներ կհայտնեք այդ բանակցությունների ընթացքի մասին: Ինչ են պայմանավորվել Արսեն Խառատյանը և ադրբեջանական ներկայացուցիչը:
15. Դուք Ադրբեջանի իշխանություններից կամ մասնավոր անձանցից անձամբ կամ միջնորդավորված եղանակով որևէ գումար կամ գույք նվեր ստացել եք, թե՝ ոչ:
16. Դուք կամ ձեր ընտանիքի անդամը Հայաստանից դուրս գումար կամ գույք ունեք, թե՝ ոչ: Եթե, այո, ապա որտեղ, ինչ, որքան և երբ եք ձեռք բերել, ինչ հիմքով:
17. ԱԱԾ նախկին տնօրեն Արթուր Վանեցյանը հայտնել է հետևյալը՝ «եթե Ալիևին հարկ է եղել Փաշինյանին ինչ-որ բան փոխանցելու, ապա Ադրբեջանի ԱԱԾ տնօրենը ծրարը տվել է ինձ, ես փոխանցել եմ Նիկոլ Փաշինյանին։ Եւ հակառակը՝ Նիկոլ Փաշինյանը ծրարը տվել է ինձ, ես փոխանցել եմ։ Չգիտեմ, թե ինչ է եղել ծրարում:»: Ինչ է եղել ծրարում: Քանի այդպիսի ծրար է փոխանցվել, երբ և ինչ բովանդակությամբ:
18. 2018թ. սեպտեմբերի 29-ին Դուշանբեում կայացած ԱՊՀ երկրների ղեկավարների հանդիպումից վերադառնալով, ասել եք. «Ադրբեջանական կողմի հետ, ինչպես և պայմանավորվել էինք, հաստատվել է հուսալի օպերատիվ կապ և կարող ենք ասել, որ փոխադարձաբար, ցանկացած տեղեկատվություն, կես ժամվա ընթացքում կհասնի Ադրբեջանի նախագահին, իսկ նրանց կողմից` ինձ»: Ինչ օպերատիվ կապի մասին է խոսքը: Քանի անգամ եք այդ օպերատիվ կապից օգտվել և ինչ բնույթի խոսակցություն եք ունեցել: 2020թ. սեպտեմբերի 27-ից անմիջապես առաջ և ռազմական գործողությունների ընթացքում օգտվել եք այդ կապից, թե՝ ոչ:
19. Ազգային անվտանգության ծառայության նախկին կամ ներկա տնօրենին, հատուկ քննչական ծառայության և քննչական կոմիտեի ղեկավարներին (այդ թվում՝ նախկին) երբևէ հրահանգ կամ հանձնարարություն տվել եք, որևէ դատական կամ քրեական գործով միջամտելու կապակցությամբ, թե՝ ոչ:
20. Տեղեկացված եղել եք արդյոք 2020թ․ սեպտեմբերի 27-ին Ադրբեջանի կողմից նախապատրաստվող հարձակմանը, երբվանից և ինչ ծավալի տեղեկատվություն եք ունեցել: Օրինակ, 2020թ. հուլիսի 25-ին razm.info կայքը նշել է «Հուլիսի 29-ից օգոստոսի 10-ը Բաքվում, Նախիջևանում, Քյուրդամիրում, Գյանջայում և Եվլախում անցկացվելու են Թուրքիայի և Ադրբեջանի ՌՕՈւ համատեղ վարժանքներ, իսկ օգոստոսի 1-5-ը Նախիջևանում և Բաքվում՝ համատեղ ցամաքային վարժանքներ» , կամ 2020թ. սեպտեմբերի 23-ին Ազատություն ռադիոկայանը հրապարակել էր «Ադրբեջանում բանակի կարիքների համար առգրավում են քաղաքացիների պիկապ մեքենաները» հոդվածը:
21. 2020 թվականի օգոստոս-սեպտեմբեր ամիսների ընթացքում ռազմական հետախուզության կողմից պատերազմի սկսվելու օրվա և ժամի վերաբերյալ ներկայացվել է արդյո՞ք որևէ գաղտնի զեկույց, եթե այո՞, ապա քանի այդպիսի զեկույց է ներկայացվել, դրանցից քանիսն են զեկուցվել ՀՀ զինված ուժերի գլխավոր շտաբ և քանիսն են գլխավոր շտաբի պետի կողմից ներկայացվել ձեզ:
22. Ինչ բնույթի և ծավալի նախապատրաստական գործողություններ եք իրականացրել 2020թ. օգոստոս-սեպտեմբեր ամիսներին Ադրբեջանի կողմից հնարավոր հարձակմանը դիմակայելու նպատակով:
23. 2020թ. օգոստոս-սեպտեմբեր ամիսներին (մինչև սեպտեմբերի 27-ը) ինչու արագորեն, օպերատիվ կերպով չեք հրավիրել Անվտանգության խորհրդի (ԱԽ) արտահերթ նիստ` ..:
24. Տիրապետել եք արդյոք ՀՀ զինված ուժերի և Արցախի ՊԲ֊ի կարողություններին դիմակայելու ակնկալվող հարձակմանը՝ մարդկային ռեսուրսներ, զինտեխնիկա:
25. ՀՀ զինված ուժերի իրական հնարավորություններին տեղեկանալուց հետո ինչով է պայմանավորված եղել պատերազմը դադարեցնելու ուղղությամբ քայլեր չձեռնարկելը:
26. 2020թ. նոյեմբերի 11-ին ՀՀ զինված ուժերի գլխավոր շտաբի պետ, գեներալ-գնդապետ Օ. Գասպարյանը հետևյալ հայտարարությունն է ներկայացրել՝ «Պատերազմի չորրորդ օրը` անվտանգության խորհրդի նիստի ժամանակ ես ներկայացրեցի մեր կորուստները և ստեղծված իրադրության վերաբերյալ զինված ուժերի գնահատականը` նշելով, որ երկու-երեք օրվա ընթացքում անհրաժեշտ է միջոցներ ձեռնարկել պատերազմը կանգնեցնելու համար..» : Պարզաբանեք, հավատացել եք արդյոք Օ.Գասպարյանին և եթե այո, ապա կոնկրետ ինչ միջոցներ եք ձեռնարկել պատերազմը կանխելու համար և երբ:

Видео ՆԻԿՈԼ ՓԱՇԻՆՅԱՆԻ ՀԱՐՑԱՔՆՆՈՒԹՅԱՆ ՀԱՄԱՐ ԱՆՀՐԱԺԵՇՏ ՀԱՐՑԵՐԸ (ՄԱՍ 2) канала Ara Zohrabyan