Анасы үлгермеді... Екі жасар бала пойызға басылып қайтыс болды

Шымкентте теміржол арқылы төте жолдан өтпек болған әйелдің екі жасар баласы пойызға басылып қайтыс болды. Қолында сөмкесі болған әйел екі баласын ертіп теміржолға жақындаған тұста, кіші баласы алға шығып кеткен. Тоқтап тұрған вагондар кенет қозғала берген тұста, бүлдіршінді алдыңғы екі вагон басып өткен.
Оқиға Шымкенттің Леңгірге барар тас жолы бойындағы шойын жол жағасында болған. Әйел екі баласымен аялдама тұсынан арғы бетке төте жолмен өтпек болған. Он метрдей биікте жатқан жолға ауыр сөмкесі бар әйел әзер көтерілген тұста, баласы алдына түсіп, жүгіріп кеткен көрінеді.
ГҮЛСАРА ШЫРЫНБЕКОВА, Шымкент қаласының тұрғыны:
– Мына жерден анасымен екеуі көтеріліп келе жатқан. Кішкентай бала. Шешесі үлгере алмаған. Ол жүгіріп барған. Тепловоздағы кісілер оны көрмей қалған. Ол кішкентай ғой, бойы көрінбейді одан. Шешесі екіншісін ұстап үлгеріпті де, ана кішкентай екі жасар бала пойыздың алдынан өткен кезде, қағып үлкерген дейді ғой.
Почтовик атанған елдімекен Шымкенттің Қазығұрт станциясы маңында орналасқан. Сондықтан арлы-берлі өткен пойыздарда тыным жоқ дейді тұрғындар. Қайғылы жағдайлар да аз емес, жуырда ғана бір кісінің қолын кесіп кетті дейді. Қоршау жоқ, теміржолға тым жақын орналасқан заңсыз үйлер де бар деп отыр ел. Ал полиция қылмыстық іс ашып, тергеу басталғанын айтты.
НҰРЛАН ҚОШҚАРБЕКОВ, Шымкент желілік полиция бөлімі басшысы:
– Осындай оқиғалардың алдын алу мақсатында жергілікті тұрғындармен тұрақты түрде түсіндірме жұмыстары мен профилактикалық іс шаралары жүргізілуде.
Алайда қайғылы жағдай болса да, қауіпті аймақтан өтіп жатқан тұрғындар тоқтады деуге келмейді. Төте жолды кесіп өтіп жатқандар әлі бар. Мұндағы жұрт аялдаманы ауыстырып, жолды түбегейлі жаппай мәселе шешілмейтінін айтады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Анасы үлгермеді... Екі жасар бала пойызға басылып қайтыс болды канала Информбюро 31