Білімі бар, бірақ еңбек өтілі жоқ жастарға Алматы әкімдігі қолдау жасап, жұмысқа орналастырмақ

Білімі бар, бірақ еңбек өтілі жоқ жастарға енді Алматы әкімдігі барынша қолдау көрсетіп жұмысқа орналастырмақ. Осыған орай әкімдік «алғашқы жұмыс орны» және «ұрпақтар келісімшарты» атты жаңа екі бірдей жобаны қолға алды. Жоба аясында тек жастар ғана емес, зейнетке дейінгі жұмыссыздар да жұмыс таба алады. Жаңа бағдарлама келесі жылдан бастап іске асады.
«Алғашқы жұмыс орны» - еш жерде кездеспейтін жаңа бағдарлама. Оның арқасында 29 жасқа дейінгі жастар өздері таңдаған мамандығы бойынша жұмыс таба алады. Бағдарламаға көп балалы және аз қамтылған отбасылардың балалары мен еңбекке қабілетті мүгедектер қатыса алады. Ол үшін жастар жұмыспен қамту орталығына өтініш қалдырып, жұмыссыз ретінде тіркелуі тиіс.
АЛТЫНАЙ ЖҮКЕНОВА, Алматы қ.әкімдігінің халықты жұмыспен қамту орталығының тұрақты жұмыс бөлімінің басшысы:
– Алғашқы жұмыс орындары бүгінгі күнде 12 жұмыс берушіден сұраныстар қабылданды. 12 жұмыс беруші 40 қосымша жұмыс орындарын ашты. Сол бойынша жұмыс орындарының тізбегі жасалды. Сол тізбек бойынша келесі жылы қаңтар айынан бастап азаматтар жіберіледі.
ЛАУРА БИҒАЛИ тілші
– «Алғашқы жұмыс орны» жобасымен келісімшарт 24 айға жасалады. Бірінші жылы қызметкерлердің жалақысы жергілікті бюджеттен төленеді. Ай сайынғы субсидия мөлшері 20 АЕК құрайды. Мамандардың айтуынша, бұл жұмыссыз жастардың санын азайтуға көмектеседі. Қазіргі уақытта жұмыспен қамту орталығында 6000-нан астам адам тіркелген.
Ал әкімдіктің ұсынып отырған екінші жобасы "ұрпақтар келісімшарты". Бұл жобаның ерекшелігі сол зейнеткерлік жасқа толған қызметкерді жаңа маманмен алмастырады. Оның білімі, жас мөлшері маңызды емес. Бағдарлама шеңберінде маманды алты ай бойы жаңа жұмысқа үйретеді. Кейін жұмыс беруші мекемемен 18 айға келісімшарт жасалынады.
БИБИГҮЛ АЛБАНБАЕВА, Алматы қ.әкімдігінің халықты жұмыспен қамту орталығының тұрақты жұмыс бөлімінің маманы:
– Жаңа жоба "ұрпақтар келісімшарты" ол жерде зейнеткерге шығатын азамат пен азаматшаның орнына жас мамандар, тек қана жас мамандар ғана емес жұмыссыз жүрген мүгедек тобында бірақ жұмыс істей алатын құқығы бар азаматар да ол жерге қатыса алады.
Егер жұмыс беруші тарап келісімшарт ережелерін бұзса, жобаға қатысушыларға жалақы ретінде жұмсалған соманы бюджетке қайтаруға мәжбүр болады.
Лаура Биғали, Влад Шишко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Информбюро #Басты_жаңалықтар

Видео Білімі бар, бірақ еңбек өтілі жоқ жастарға Алматы әкімдігі қолдау жасап, жұмысқа орналастырмақ канала Информбюро 31