Sri Madhwashtakam | Sri Raghuvarya Teertha Virachitam

Recited by Venugopal Khatavkar

ವಿಷ್ಣ್ವಜ್ಞಪ್ತಿಸಮರ್ದಿತಸ್ವಜನಸತ್ಕಾರುಣ್ಯನುನ್ನಾಮರ-
ವ್ರಾತಪ್ರಾರ್ಥಿತಮೇಶನೋದಿತಮರುನ್ಮಧ್ವಾತ್ಮನೋದ್ಭೂಯ ಕೌ
ದುಃಸಿದ್ಧಾಂತಘನಾಳಿಧೂಳಿತೃಣದುರ್ವೃಕ್ಷಾನಪಾಸ್ಯೇಶಸ-
ತ್ತತ್ತ್ವಾನಂತಮಣಿಂ ಪ್ರಕಾಶ್ಯ ವಿಬಭೌ ತಂ ಮಧ್ವನಾಥಂ ಭಜೇ ॥೧॥

ಯತ್ತುಂಡಾಬ್ಧಿಜಭಾಷ್ಯಲಕ್ಷಣಮಹಾಪೀಯೂಷಸೇವಿದ್ವಿಜಾ-
ನಾಲೋಕ್ಯ ತ್ವಮೃತಾಂಧಸೋ ನಿಯತಸನ್ಮುಕ್ತೀನ್ ಸ್ವಕೀಯಾಮೃತೇ
ತಾದೃಕ್ತಾಮನವೇಕ್ಷ್ಯ ಹಂತ ತದನಾದೃತ್ಯಾದ್ರಿಯಂತೇ ಸುಧಾಂ
ಭಾಷ್ಯಾಖ್ಯಾಮಿತಿ ನಿಶ್ಚಯೋ ನ ವಿಶಯಸ್ತಂ ಮಧ್ವನಾಥಂ ಭಜೇ ॥೨॥

ಆನಂದಾದಿಗುಣಾಕರೇ ಮುರಹರೌ ನೈರ್ಗುಣ್ಯ ದುಃಖಾತ್ಮತೇ
ದೈತ್ಯಾನಾಮಪಬುಕ್ಕತಾಂ ಸುರವರಃ ಸಂತರ್ಜನಾಯೈವ ಯಃ
ಸಮ್ಯಗ್ದಂಡಧರೋ ಬಭೂವ ಪವನಃ ಕರ್ಮ೦ದಿಚೂಡಾಮಣಿಃ
ಲಕ್ಷೀವಲ್ಲಭಮುಖ್ಯದಾಸಮನಿಶಂ ತಂ ಮಧ್ವನಾಥಂ ಭಜೇ ॥೩॥

ಯದ್ಭಾಷ್ಯಾಕ್ಷರಮೇಕಮೇವ ಲಿಖತಾಂ ಪುಣ್ಯಂ ಭವೇತ್ ಸತ್ಸರಿ-
ತ್ತೀರೇ ಸದ್ಮಕೃತೋ ಹರೇಃ ಸಮಮದಃ ಸರ್ವಂ ಲಿಖೇತ್ ತಸ್ಯ ವಾ
ವ್ಯಾಖ್ಯಾತುಃ ಪಠತಾಂ ಚ ತತ್ ಕಿಯದಿತಿ ವ್ಯಾಖ್ಯಾತುಮೀಷ್ಟೇ ನ ಕೋ
ವಾಣೀಶರ್ವಸುರೇಶಪೂರ್ವಕಗುರುಂ ತಂ ಮಧ್ವನಾಥಂ ಭಜೇ ॥೪॥

ಯಃ ಸ್ವಸ್ಯೋತ್ತಮವಾಯುಭಾವ ಉದಿತಾನ್ ಸಂದೇಹಕಾನ್ ಸದ್ವ್ರಜೇ
ಸಂಹರ್ತುಂ ಸುಮಹಾಶಿಲೋದ್ಧೃತಿಮಹಾವೇಗಾದಿಕಂ ಲೀಲಯಾ
ಅನ್ಯಾಶಕ್ಯತರಂ ಕಲೌ ಸುರಸುರದ್ವೇಷೀಷ್ಟಮೋಹಪ್ರದಂ
ಪ್ರಾಣೇಶೋ ವ್ಯತನೋದಮೇಯಮಹಿಮಾ ತಂ ಮಧ್ವನಾಥಂ ಭಜೇ ॥೫॥

ಸ್ವಸ್ಯ ಸ್ಯಾಚ್ಚತುರಾನನತ್ವಮಿತಿ ಯಃ ಖ್ಯಾತುಂ ಸ್ವಶಿಷ್ಯಾಂಶ್ಚತುಃ-
ಸಂಖ್ಯಾಕಾನ್ ಯುಗಪತ್ ಪ್ರಭಾಷ್ಯ ಸದನುವ್ಯಾಖ್ಯಾನಮಾಲೇಖಯತ್
ಪಾಕತ್ವೇಽಪ್ಯತಿವೃದ್ಧಸೇವ್ಯಚರಿತವ್ರಾತಂ ಚಕಾರ ಪ್ರಭುಃ
ಪದ್ಮಾನಂದನಪದ್ಮಜಾನುಜಮಹಂ ತಂ ಮಧ್ವನಾಥಂ ಭಜೇ ॥೬॥

ಭಕ್ತ್ಯಾ ಯಚ್ಚರಿತಂ ಶೃಣೋತಿ ಮನುಜೋ ವ್ಯಾಖ್ಯಾತಿ ವಾ ತಸ್ಯ ಕಿಂ
ಕೃತ್ಯಂ ಸರ್ವಸವೈರ್ಜಪೈಶ್ಚ ವಿವಿಧೈಃ ಸ್ನಾನೈರ್ನದೀಷೂಚ್ಚಕೈಃ
ಪ್ರಾಯಶ್ಚಿತ್ತಮಶೇಷಪಾತಕತತೇರ್ಯತ್ಸೇವನಂ ದೇಹಿನಾಂ
ಸ್ವರ್ಮೋಕ್ಷೈಹಿಕವರ್ಷಣೇ ಸುರತರುಂ ತಂ ಮಧ್ವನಾಥಂ ಭಜೇ ॥೭॥

ಶ್ರೀಮದ್ಭಾಷ್ಯಮುಖಂ ಸ್ವಶಾಸ್ತ್ರಮನಘಂ ಶಿಷ್ಯಾನ್ ಸುರಾದೀನ್ ಮುದಾ
ಮುಕ್ತಿಪ್ರಾಪ್ತಿನಿದಾನಕೃಷ್ಣಮತಯೇ ಯೋ ಗ್ರಾಹಯನ್ ಸನ್ಮುಖಃ
ಅಧ್ಯಾಸ್ತೇ ಹ್ಯಧುನಾಽಪಿ ಕೃಷ್ಣಮಧಿಪಂ ಸಂಸೇವ್ಯಮಾನಃ ಕೃತೀ
ದೇವರ್ಷ್ಯಾದಿನಿಷೇವಿತಾಂ ತು ಬದರೀಂ ತಂ ಮಧ್ವನಾಥಂ ಭಜೇ ॥೮॥

ಇತ್ಯೇತದ್ರಘುವರ್ಯತೀರ್ಥಯತಿನಾ ಮಧ್ವಾಷ್ಟಕಂ ಮುಕ್ತಯೇ
ಸದ್ಭಕ್ತ್ಯಾ ರಚಿತಂ ಪಠಂತಿ ಮನುಜಾ ಯೇ ಸಂತತಂ ಶ್ರದ್ಧಯಾ
ಉದ್ವಾಹಾದಿಶುಭೇಷು ಮಧ್ವಮುನಿರಾಟ್ ತೇಷಾಮಭೀಷ್ಟಂ ಧ್ರುವಂ
ಸದ್ಯಃ ಸಂತನುಯಾತ್‌ ಸಮಸ್ತಸುಜನವ್ರಾತಾಬ್ಜಹಂಸೋ ಮುದಾ ॥೯॥

ಇತಿ ಶ್ರೀರಘುನಾಥತೀರ್ಥಕರಕಮಲಸಂಜಾತಶ್ರೀರಘುವರ್ಯತೀರ್ಥವಿರಚಿತಂ ವಿರಚಿತಂ ಮಧ್ವಾಷ್ಟಕಮ್

Madhwashtakam written by Sri Raghuvarya Teertharu (Nava Vrundavana, Hampi)
.
.
Spotify:
https://open.spotify.com/artist/3jNaYekJkIEbgFOvmLUAzw?si=J2nE6QN9Qf2agu1Xt81Kdw

Prime music:
https://music.amazon.in/artists/B09V2PYJ5G/daasoham?marketplaceId=A21TJRUUN4KGV&musicTerritory=IN&ref=dm_sh_TslIHArl4X3guOcS4iVexM9GJ

Apple music:
https://music.apple.com/us/artist/daasoham/1612804392

Видео Sri Madhwashtakam | Sri Raghuvarya Teertha Virachitam канала Daasoham