ОРЫС ҚҰЛАСА ҚАЗАҚ ҚАЙТЕДІ ?

Орыс құласа қазақ қайтеді

Қазақ билігінің кумиріне айналған, Ресейдің Путиндік билік жүйесіне тықыр таянды. Трамп кетіп, Байден келіп, қашан ресейге ауыр-ауыр санкциялар салып, есін шығарды деп жүрсек. Навалныйдың кеше ғана ұсталуы, санкция дүмпуінен ауыр, әлемдік саяси шешімдерден де жылдам, орыс халқының адуынды, ашулы қарсылығына куә болып отырмыз.

Навалный былтырғы улану уақиғасынан бері жұлдызға айналды. Төрт күннің алдында еуропадан ұшып келген бойда қолға алынғанды. Оның келуі бір ерлік болса, қорықпай қолға түсуі екінші ерлік болды. Халық жаппай оған көрсетілген әділетсіздікке ашына қарсылық көрсетіп жатыр. Бейне Навалный еуропадан қолына шырпы алып келгендей, әлде өзі шырпы болып орыстың ортасына түскен шоқ секілді. Еуропадан Путинның әділетсіз, зұлым, тойымсыз билігіне қарата лақтырылған осы шырпы, діттеген жеріне дәл түскен тәрізді. Орыс қоғамы мүлде басқаша мінез танытып, әсіре белсенділік танытып шыға келді.

Саяси механизімді диктаторлар қашанда қыңыр да, топастық есеп-қисаппен толтырады. Ау бастан Навалныйды елеусіз қойғанда, бүгінгі күндердегі жалпы халықтық қарсылықтың бірі де болмас еді. Тоғышарлықтың ең шыңы қорқақтық. Диктаторлар қанша күшті болса, сонша қорқақ, сонша сақ. Осы артық сақтығы мен қорқақтық өз түптеріне жетіп жатады. Қорқақтығын қорқаулығымен жасырамын деп, адамдардың, азаматтардың құқығын артық таптап, елдің қарғыс наласына қарамай, тақтарын көз жасы мен қанға суарады.

Путинда солай, күллі ресейді көркейтуші емес, құлқыны үшін күйретуші екенін түсініп болмады. "Күшті Орыс әлемі", "СССР ды қалпына келтіру" деген жалған ұранмен 20 жыл 100 миллион орыстың құлағына лапшаның неше жүз түрін ілді. Кешегі шовинистік идеядан арыла алмаған орыс халқы да Путинды орыс әлемін құтқарушыдай көрді. Көрді, көрді соңы бітпейтін, тоймайтын диктаторлық түзімнің итаршысы болып шыға келгенін мұжықтардың басына енді кіре бастағандай. Мына аязды күнге қарамай көшеге шығып жатқан аттандары да соның бір дәлелі секілді.

Жә, орысты қоя тұралық, өзіміздің 30 жыл елді тапжылтпай билеген диктатор шалымыздың хәлі нешік екен. Өзінің кришасы санайтын, сәл қиындық көрсе, ұшып алдына барып, жапасын жеткізіп, желпініп, рухтанып қайтатын Кремлі қазір сақылдаған аязбен бірге қорқыныштан тісі-тісіне тимей сақылдап отыр. Бүкіл жан дүниесін, қалауын қазақтан жасырып, жан сырын кремлге паш ететін біздің шалдың да ұйқысы қашып, дегбірі кетіп жатқаны өтірік емес. Егер Мәскеудің дитаторының жағдайы алай-бұлай болып кетсе, біздің шалдың да күші кетіп, сол Мәскеудің екпіні Астанаға жететіні де мында тұрған дүние. Бүкіл ақпарат көзі, теле арнасы орысша сайраған Қазақстанның орыс әлемінен еш айырмасы жоқ. Қазақ, мойындайық, мойындамайық орысқа қарап бой түзеп, орысқа қарап сан санап үйренген халық. Егер осы жолы орыстың еркіндік, теңдік сүгіш халқы аянбай Путинді аудара алса, біздің қазақтарда, әсіресе орыс тілді қазақтар да ойлана бастар. Диктатордан тек табанды күрес арқылы құтылуға болатынын, оған дейін оның өз еркімен тағынан кетудің мүмкін емес екенін түсінер.

Сонымен орыс құласа, қазаққа не пайда?

Орыс құласа, қазақ толық тәуелсіздікке қол жеткізеді.

Орыс құласа қазақ өз тілін тектеп, ділі оянып, орыс әлеміне байланған қара көз қазақтар өз әлеміне қайтады.

Орыс құласа, қазақ түркі әлеміне қарай бой тұзей бастайды. Тегі, тілі, діні бір Түркі жұртының ажырамас бір бөлігіне айналады.

Орыс құласа, рубльдың теңгені сүйреп құрдымға кетіруінен құтылады. Болмаған Еуарзиялық Экономикалық Одақ, Кедендік Одақ деген пайдасынан зияны көп, ашықтығынан шектеуі көп, орыстың құрған қорасынан шығады. Бұл одақтан шығу қазақ экономикасының дербестігіне жетуі деп айта берсек болады.

Орыс құласа, қазақ кеудесін кере кең бір тыныстап алады да, солтүстігінен алаңдамастан, мәңгілік жауы қытаймен айқасудың қамына көшеді.

Орыс құласа, қазақ орысқа кеткен жерлерін қайтарып, ежелгі қонысы Астрахан, Омбы, Орынбор, Сарытау, Алтай сынды шұрайлы өлкелерін өз құшағына басады.

Орыс құласа, ары қарай өздеріңіз айта беріңіздер

Жазған: Жақсыбек Қақан

Видео ОРЫС ҚҰЛАСА ҚАЗАҚ ҚАЙТЕДІ ? канала Bontau TV