ЕРДОҒАН ТАҒЫ ШУЛАТТЫ./ТҰРАН ОДАҒЫН ҚҰРУДЫ БАСТАДЫ.

ЖАҚСЫБЕ ҚАҚАН:
https://www.facebook.com/profile.php?id=100012192279740
Халықаралық сайаси теке тірес күшейген сайын, державалар арасындағы жасырын талас-тартыс үдеп шыға келді. Өткен 2020 жылғы Сириа мен Армениадағы Түрік-Орыс теке тіресі, соңғы айдағы Орыс-Украйын шиеленісінде тағы бой көрсетіп қалды. 11 сәуірдегі Ердоған мен Зеленскиидің бірлесіп баспасөз өткізуі де көп жәйітті аңғартса керек.

Әлемдік сайасатта мықты ойыншыға айнала бастаған Ердоған Ресей, АҚШ, НАТО арасындағы ойында ретін тауып, өз есебін түгендеп үлгіріп жүр. Сириада тұтанған үлкен оттың ел іргесіне дейін жетіп, ұшқыны түрік жұртының ортасына түсуге аз қалған шақта, отты-отпен қуған Түрік билігінің батыл қимылы АҚШ-тың өзін састырған еді. Былтырғы Таулы Қарабақ ерлігіне бәріміз куәміз. Шесіз құдіретке ие деп жұрт сескеніп жүрген орыс қарулары қоқысқа айналып шыға келгенде, соңғы ғасырда көзі тірісінде орыс баласының қансырап жеңілгенін көрмеген қазақ баласы, таңырқағаннан ауызы ашылып, түсінбей дал болды. Міне биыл Ердоған мұрты жыбырлап, орысқа қарсы тағы қиқарлыққа басып отыр. Мойындау керек, сонау заманнан бері, Осыман империасының негізгі дұшпандарының бір Ақ патша болды. Сол тарихи теке-тірес, сол тарихи жауластық, бүгінгі Түрік-Ресей күрделі қарым-қатынасын негізі болды. Жалпы Түркиа өздеріне орыстардың итініп, қатты жақындап келгенін қаламайды. 2014 жылғы Путинның Қырымды жауалап алуы, Түрікке мүлде ұнамады. Әлсіреп бара жатқан Ресейдің Қара теңіз флоты Қырым түбегінің орысқа қарауымен қайта күшейе бастады. Бұл дегенің Түріктерге 1774 жылғы Осыманлы-Ресей арасындағы "Күшік-Қайнаржи бітімін" еске салса керек. Соңғы 2 ғасыр толықтай орыстардың аруағы тасқан ғасыр болды. Түрік баласының орыстың мылтығы алдына бет қарауға дәрмені келмегені де шындық. Енді соның қарымтасы қайтатын тұсқа келіп қалған уақытта, елінде економикалық бум жасаған, ол аздай өздерінде жаңа заман озық қаруларын жасай алуы Ердоғанның есімін аспандатып жіберді. Сайаси амбисиасы басым Ердоғанның Путин тұрмақ Сталин тіріліп келсе де, қаймығар түрі жоқ. Былтырғы Әзербайжан-Армениа соғысынан кейін, Түркианы тынышталар деп ойлады жұрт. Жексенбі күнгі Зеленскимен баспасөз кездесуінде Ердоған тағыда майданға араласатынын білдірді. Ол осыған дейінгі Қырымды мүлде Ресейдің аумағы деп танымайтын ұстанымынан таймайтынын және Зеленскиге дем бере, одақтас ретінде қолдайтындығын ашық айтты.

Бір жағынан Орыс-Украйын шиеленісінде Түріктің не шаруасы бар деген ой туары сөзсіз. Бірақ теңіз арқылы көрші, әрі НАТО қарулы күштеріне жүгінген Украиниаға Түрік болысса да болысады, болыспаса да болысатын болып тұр. Түріктің дрондары АҚШ дрондарымен қатар ұшып, Украин аспанын күзетіп, кезіп жүр. Бұлда үлкен жетістік Түрік үшін. Егер Орыс-Украин соғысы бұрық ете қалып, Орыс омақасар болса, Түрік автоматты түрде әлемдік әскери держава айналып шыға келеді. Тек иадролық қаруы жоқ болғаны болмаса, Түріктің айы оңынан туып тұр. Басқа емес, бір жылдың ішінде орыстың ауыр қаруларымен жасақталған Сириадағы жалдамалы әсекер мен Әзербайжан арқылы Арменианы қалпақпен қағып алу дегенің үлкен жеңіс. Бұл екі соғыс анығында Орыс пен Түріктің перде артындағы соғысы екенін бүкіл дүние жақсы түсініп отырды Тіпті, батыс пен америка сарапшылары "Түрік қалыптасқан соғыс тактикасын мүлде басқаша арнаға өзгертті" деп жоғары бағалап жатты. Түрік қазір қалай болса да мықты ойыншы. Жеңістің дәмін татып қалған Түріктерге Украиниа шиеленісіне араласпауы қианатпен бірдей. Арғы жағы орыстың әлсіреуі тіпті ыдырауы. Ал Орыстың әлсіреуі Түріктің Орта Азиа елдеріне ғана емес, Қапқаз тауына да емін-еркін ықпал жасауына жол ашылады деген сөз. Бірін туысқаным деп, бірін діндесім деп бауырына тартып, басынан сыйпауға ондық түріктің ақылы жетеді.

Кейбір сарапшылар алда сайлау соған ұпай жинау үшін Ердоған осындай қадамдарға барып жатыр дер. Бірақ, империа құрып үйренген жұрт сол империасын аңсайды да тұрады. Байқасақ, Ердоғанның өз жеріне қарап тынысы тарылатын секілді. Бір кездері үш құрлықты алып жатқан алып империа құрған жұрт, сәл еңсесін көтерсе есесін жіберейін деп жатқан жоқ. Түрікке тарихи сәт туып тұр. Қанатынан жел ескен "Байрақтар", "Акынжилері" аман болса, әлі біраз елдің шаңын қағатын түрлірі бар

Видео ЕРДОҒАН ТАҒЫ ШУЛАТТЫ./ТҰРАН ОДАҒЫН ҚҰРУДЫ БАСТАДЫ. канала Bontau TV