ՍԿՍՎԵԼ Է ՊԱՅՔԱՐ․ Հայաստանը կդառնա ավար, եթե չփոխի իր վերաբերմունքը

Սեւրի պայմանագրի 100-ամյակի շեմին վերանայվում է իրավապայմանագրային բազան, որի վրա կառուցվել է ներկայիս Հարավային Կովկասը։ 100 տարի առաջ Սեւրի պայմանագիրը պետք է բացեր տարածաշրջանը՝ դարձնելով այն տարանցիկ գոտի Արեւմուտքի եւ Արեւելքի, Հարավի ու Հյուսիսի միջեւ, բայց Թուրքիան Ռուսաստանի օգնությամբ կողպեց տարածաշրջանը՝ խցանելով հաղորդուղիները, ինտեգրացիոն գործընթացները եւ տարածաշրջանային զարգացումը։
Վերջին մի քանի տարիներին գլոբալ քննարկվում է տեղի ունենում՝ Արեւմուտքն ու Առաջին համաշխարհային պատերազմում հաղթած երկրները խոսում են Վերսալի պայմանագրի վերանայման անհրաժեշտության մասին։ 2014 թվականից արեւմտյան առաջնորդները կարմիր կակաչներ են կրում, որը խորհրդանիշն է այն բանի, թե ովքեր են գործող աշխարհակարգի հեղինակները։ Ռուսաստանը պնդում է, որ Յալթայի աշխարհակարգն է գործում, որը հաստատվել է Երկրորդ համաշխարհային պատերազմից հետո, արդեն Ռուսաստանի մասնակցությամբ։ Ռուս պաշտոնյաները «կոլորադյան» ժապավեն են գրում, որն անդրեեւյան դրոշն է՝ Ռուսաստանի հզորության խորհրդանիշը։
Ռուսաստանը 20-րդ դարի 20-ական թվականներին առանձին պայմանավորվեց Թուրքիայի հետ եւ բաժանեց Հայաստանը՝ դարձնելով այն երկու քանդված կայսրությունների միակ ավարը։ Արեւմուտքը «մեծահոգաբար» թույլ տվեց Ռուսաստանին ու Թուրքիային յուրացնել ավարը, որին մեծապես նպաստեց նաեւ այն, որ հայ ժողովուրդը համակերպվեց դրան, ցեղասպանությունից ու հայրենազրկումից հետո։

Նյութի աղբյուր՝ lragir.am, 1in.am

#lurerhayastanic #sevripaymanagir #putinerdoxan

Видео ՍԿՍՎԵԼ Է ՊԱՅՔԱՐ․ Հայաստանը կդառնա ավար, եթե չփոխի իր վերաբերմունքը канала Banber News