ԻՆՉԻ՞Ց Է ՎԱԽԵՆՈւՄ ԲԱՔՈւՆ․ Իսկ եթե Հայաստան են տեղափոխվել միջուկային մարտագլխիկնե՞ր

Բաքուն մեծ թափ հաղորդեց օգոստոս 12-ին կայացած Ալիեւ-Պուտին հեռախոսազրույցի թմբկահարմանը: Ի տարբերություն Մոսկվայի, Բաքուն հրապարակել է մանրամասներ Հայաստանին ռուսական սպառազինություն մատակարարելու առթիվ դժգոհության մասին: Միեւնույն անցքը տարբեր ոգով լուսաբանելը արդեն իսկ վկայում է Մոսկվա-Բաքու հարաբերության մեջ լուրջ խաթարման մասին: Որքանով հիմնավոր են Բաքվի վախերը
Նման դրվագ, ճիշտ է ընդամենը ԱԳՆ նոտայի մակարդակով մեկ անգամ արդեն պատահել է: 2016թ. փետրվարի 24-ին Բաքուն դժգոհել էր, մասնավորապես, Հայաստանին Սոլնցեպյոկ հրանետների եւ Ավտոբազա ռադիոհետախուզական կայանքների դեռեւս չկայացած մատակարարումներից: Սա այն դեպքում, երբ Բաքուն այդ պահին արդեն ստացել էր այդ սպառազինության մեծ խմբաքանակներ: Նոտան ՌԴ դեսպան Դորոխինին փոխանցվեց ապրիլյան պատերազմից օրեր առաջ: Ինչ եղավ հետո՝ բոլորս գիտենք
Ամենայն հավանականությամբ, բացի քարոզչական կանխաքայլի վարկածից, նոտայի համար կային եւս երկու շաղկապված առիթներ: Առաջինը՝ Բաքվի ռեժիմի պարագլխի անվստահությունն էր սեփական հետախուզական ու դիվանագիտական ծառայությունների հանդեպ եւ նա ստիպված էր անձնական հետախուզում ձեռնարկել: Երկրորդը՝ երկրի ռազմա-քաղաքական ոլորտի հանդեպ վերահսկողության իրական կամ կարծեցյալ թուլությունն էր: Խոսքը այնպիսի մի իրավիճակի մասին է, երբ ճակատային համազորային օպերացիան կարող էր իրականացվել առանց երկրի առաջին դեմքի իմացության:

Նյութի աղբյուր՝ lragir.am

#lurerhayastanic #aliev #putin #pashinyan

Видео ԻՆՉԻ՞Ց Է ՎԱԽԵՆՈւՄ ԲԱՔՈւՆ․ Իսկ եթե Հայաստան են տեղափոխվել միջուկային մարտագլխիկնե՞ր канала Banber News