• Денис Хынҭәбеи Лаура Ҳагҧҳаи рчара: 1-тәи ахәҭа. Свадьба Дениса Хинтба и Лауры Хагба: 1-я часть

Абхазский / Русский ‒ Abkhazian / Russian

Сҭыхымҭа уажә иахәаҧшуа, снапҩымҭагьы иаҧхьауа зегь шәымыш-шәыҵых бзиахааит! Абзиа шәаҳалааит! Ҳазшаз шәҭаацәара дақәныҳәааит! Абзиара ҳазыҳәоит, иаҳҟәыгазааит ацәгьара! Сара иахьа ишәсырбарц сҭахуп аҧсуа чараҿ иҟасҵаз аҭыхымҭақәа. Ари ачара ак агымкәа ируит хьӡи-ҧшеи згым Хынҭәаа рыжәла ахаҭарнакцәа.

Дыҟан Аҧсны Хынҭәаа иреиуаз, Лакәараа ираҳәшьаҧаз, ауаа ирдыруаз, ҳаҭыр зқәыз ауаҩы-аусзуҩы Хынҭәба Владимир Зосма-иҧа захьӡыз. Уи ихьӡ-иҧша ыҟан, ажәлар рус ныҟәигахьан, аха иаамҭаӡамкәа идунеи иҧсахит. Аҭаацәа реиҵааӡараҿ лыҧшәма изынамгӡаз аус ҧшьа, анра-абра еицуны, иналыгӡеит ажәла бзиа Ашәаа ирхаҭарнаку Владимир Хынҭәба иҧшәмаҧҳәыс, Алеқсандри Сергеии раҳәшьа гәакьа.

Шықәсқәак уажәаҧхьаҟа Хынҭәаа рыҷкәынцәа руаӡәк изы ируан ачара. Уи ачараҿ сара сыҟан сабхәараа Лакәараа срыцны. Владимир Хынҭәба сабхәа, Лакәа Алықьса Мысҭафа-иҧа, иаҳәшьаҧаҵәҟьа иакәын. Арахь Ашәаа рганахьалагьы ари аҭаацәа исҭаху роуп. Урҭ сара исзааигәоуп, бзиаӡа избоит.

Лыхны ақыҭаҿ дынхоит сара сҩыза гәакьа, Аҧсны азааҧсаҩы, аҧсадгьылбзиабаҩ ду, арҵаҩы, ауаажәларратә усзуҩы Ҳагба Нодар Ақсент-иҧа. Нодар Аҧсны аибашьра ҟалаанӡа аҧсуа жәлар рмилаҭтә қәҧара далахәын, аҿар реиҿкаара «Ауыбла» аҧҵаҩцәа дреиуан, аибашьраҿ илшоз наигӡеит, 30 шықәса раахыс аҵара-ааӡаратә ус аҟны илшамҭа рацәоуп. Абӷаџьаа иреиуоу аҧҳәыси иареи ахшара бзиа рхылҵит.

Нодар Ҳагбеи Лика Абӷаџьааҧҳаи хшарала ҳдырҧшӡеит, ҳахьыӡ шьҭырхит. Урҭ ирхылҵыз аҧа Леон иахьа иреиҳау амедицинатә ҵара дахысуеит. Леон имоуп хҩык аиаҳәшьцәа: Линда, Лаура, Лолита. Нодари Ликеи иахьа уажәраанӡа ҩыџьа амаҳәцәа рыман, уажәы урҭ даҽа маҳәыкгьы дрыцлеит. Иахьа аимаҳәылацәа хҩык ыҟоуп: Асҭамыр Гамгьиа, Наур Чамагәуа, Денис Хынҭәба.

Нодар Ҳагба сара исиҭеит анапынҵа ду: Ҳагаа рҟынтә ачарахь ицараны иҟоу агәыҧ ахагылара. Уи исыдиҵаз аҭакҧхықәра хьыӡла-ҧшала инасыгӡеит. Абра иалкааны иазгәасҭар сҭахуп агәыҧ иалаз аҿар рыҧшра-рсахьа, рхымҩаҧгашьа, рцәажәашьа, ртәашьа-ргылашьа анызба даараӡа сышгәырӷьаз.

Анцәа иџьшьаны аҿар бзиа ҳамоуп, ирыхьша сыхьааит. Аҧеиҧшгьы ыҟоуп, ҳнапала еилаҳмыжьыр. Арнольд Ҩардан, Бадра Григолиа, Резо Хәарҵкьиа, Адам Чичинаӡе, Фарид Шланӡиа, уҳәа убас егьырҭгьы.

Приветствую всех, кто смотрит моё видео! Слышать вам добрые вести! Пусть благоденствуют ваши семьи под щитом Божьего покровительства! Сегодня я хочу показать вам 1-ю часть видеозаписи, которую я сделал на свадьбе Дениса Хинтба и Лауры Хагба, состоявшейся в городе Сухуме, в банкетном зале «Абырлаш» 4 июня 2023 года.

Жил в своё время абхаз из рода Хинтба, племянник рода Лакоба, человек уважаемый и авторитетный по имени Владимир Хинтба, сын Зосмы Хинтба и Фроси Лакоба. Владимир ряд лет проработал на ответственной государственной службе. Его знали, с ним считались. Ныне он покоится в Раю, оставив детям доброе имя. Супруге Владимира, женщине из славного рода Ашуба, родной сестре Александра и Сергея Ашуба, пришлось исполнить как свои, материнские, так и обязанности отцовские, главы семьи. Несколько лет назад вместе с роднёй моей супруги из рода Лакоба я был на свадьбе одного из сыновей Владимир Хинтба. У меня воспоминания о той свадьбе до сих пор яркие.

В селе Лыхны живёт мой близкий друг, сподвижник, большой патриот, учитель, общественный деятель Нодар Аксентьевич Хагба. До войны в Абхазии Нодар был активистом национального движения абхазского народа. Он один из организаторов молодёжной организации «Аубла», участник войны, педагог, отдавший 30 лет делу обучения и воспитания подрастающего поколения.

Вместе с Ликой Абгаджава Нодар создал прекрасную семью. Они родили и воспитали 4-х детей: одного сына и 3-х дочерей. Сына зовут Леон. Он студент одного из российских медицинских вузов. Дочери ‒ Линда, Лаура, Лолита ‒ все замужем. Зятья Нодара и Лики ‒ Астамур Гамгия, Наур Чамагуа и Денис Хинтба. Семья Хагба ‒ гордость Абхазии.

Нодар назначил меня главой делегации от его семьи на свадьбе Дениса Хинтба и Лауры Хагба. Это высокая честь, с которой я хорошо справился при поддержке замечательных молодых людей: Арнольда Вардания, Бадры Григолия, Резо Хварцкия, Адама Чичинадзе, Фарида Шландзия и др.

Видео • Денис Хынҭәбеи Лаура Ҳагҧҳаи рчара: 1-тәи ахәҭа. Свадьба Дениса Хинтба и Лауры Хагба: 1-я часть канала David Dasania